ଚାରି ଦିନ ହେଲା ନିଖୋଜ ବ୍ୟକ୍ତିଙ୍କ ମିଳିନି ପତ୍ତା, ଜଣେ ଅଟକ

ବୌଦ୍ଧ,୨/୧ – ଗତ ଡିସେମ୍ବର୍ 30 ତାରିଖ ସନ୍ଧ୍ୟାରୁ ବୌଦ୍ଧ ସହର 11 ନମ୍ବର୍ ୱାର୍ଡ ରାଜନପାଲିର ଅଗସ୍ତି ମହାକୁଡ (49 ବର୍ଷ) ନିଖୋଜ ଥିବା ବୌଦ୍ଧ ଆଦର୍ଶ ଥାନାରେ ଅଭିଯୋଗ ହୋଇଛି | ମିଳିଥିବା ସୂଚନା ଅନୁଯାୟୀ ଗତ ବୁଧବାର ସନ୍ଧ୍ୟାରେ ରାଜନପାଲି ନିଜ ଘରୁ ଅଗସ୍ତି ବୁଲାବୁଲି କରିବାକୁ ବାହାରିଥିଲେ l ସେ ବିଳମ୍ବିତ ରାତି ଯାଏଁ ଘରକୁ ନ ଫେରିବାରୁ ଘର ଲୋକେ ସାଙ୍ଗ ସାଥୀ ଓ ବନ୍ଧୁ ବାନ୍ଧବ ଘରକୁ ଫୋନ୍ କରି ଅଗସ୍ତି ସମ୍ପର୍କରେ କୌଣସି ସୂଚନା ପାଇନଥିଲେ l ଗୁରୁବାର ଦିନ ସାରା ମଧ୍ୟ ସେ ଘରକୁ ନ ଫେରିବାରୁ କିମ୍ବା କୌଣସି ପତ୍ତା ନ ମିଳିବାରୁ ତାଙ୍କର ପତ୍ନୀ ଶାନ୍ତିଲତା ମହାକୁଡ ବୌଦ୍ଧ ଆଦର୍ଶ ଥାନାରେ ସ୍ୱାମୀଙ୍କ ନିଖୋଜ ନେଇ ଲିଖିତ ଅଭିଯୋଗ କରିଥିଲେ | ଅଗସ୍ତି ନିଖୋଜ ଦିନ ସନ୍ଧ୍ୟାରେ ଏକାଠି ବୁଲାବୁଲି କରୁଥିବା ଜଣେ ଯୁବକଙ୍କୁ ପୋଲିସ୍ ଅଟକ ରଖି ପଚରା ଉଚୁରା କରୁଥିବା ଜଣାପଡିଛି l ପରିବାର ଲୋକେ ଆଶଙ୍କା ଭିତରେ ରହିଥିବା ବେଳେ ପୋଲିସ୍ ତଦନ୍ତକୁ ଜନସାଧାରଣ ଉତ୍କଣ୍ଠାର ସହ ଅପେକ୍ଷା କରିଛନ୍ତି |