ନିର୍ମାଣ ଶ୍ରମିକ ସଂଗଠନର ବିଶ୍ୱକର୍ମା ପୂଜା

ବୌଦ୍ଧ / ବlଉଁଶୁଣୀ,୧୬/୭- ବୌଦ୍ଧ ବ୍ଲକ୍ ଖଲିଆପାଲି ଗ୍ରାମ ପଂଚାୟତର ଗୁଦୁଗୁଦା ଠାରେ ଅଲ୍ ଇଣ୍ଡିଆ ଟ୍ରେଡ ୟୁନିଅନ କଂଗ୍ରେସ ଦ୍ବାରା ସହବନ୍ଧିତ ବିଶ୍ୱକର୍ମା କୋଠାବାଡି ଓ ନିର୍ମାଣ ଶ୍ରମିକ ସଂଗଠନ ପକ୍ଷରୁ ବିଶ୍ୱକର୍ମା ପୂଜା ଆଜି ଅନୁଷ୍ଠିତ ହୋଇ ଯାଇଛି l ରକ୍ସା, ମନୁପାଲି, ଖଲିଆପାଲି ଓ କସୁରବନ୍ଧ ଗ୍ରାମ ପଂଚାୟତର ସମସ୍ତ ନିର୍ମାଣ ଶ୍ରମିକ ମାନଙ୍କ ପକ୍ଷରୁ ପ୍ରତିବର୍ଷ ବିଶ୍ୱକର୍ମା ପୂଜା ମହା ସମାରୋହରେ ପାଳିତ ହୋଇଥାଏ | ଚଳିତ ବର୍ଷ କୋଭିଡ୍ କଟକଣା ଯୋଗୁଁ କେବଳ ପରମ୍ପରା ଅନୁସାରେ ପୂଜାଅର୍ଚ୍ଚନା କରାଯାଇଥିଲା | ଏ ଅବସରରେ ଆଈ. ଏନ. ଟି. ୟୁ. ସି. ବୌଦ୍ଧ ଜିଲ୍ଲା ସଭାପତି ସରୋଜ କୁମାର୍ ପ୍ରଧାନ ଯୋଗ ଦେଇଥିଲେ | ପୁଜା ଆୟୋଜନରେ ସଂଗଠନର ସଭାପତି ତ୍ରିପୁରାରୀ ସିଂ, ଉପସଭାପତି ନିଲାଞ୍ଚଲ୍ ଦଣ୍ଡିଆ, ସମ୍ପାଦକ ବୀରବର ଦେହୁରୀ,ସଦସ୍ୟ ରାହାସ ଦଣ୍ଡିଆ, ସନତ ବଗର୍ତ୍ତି, ଦହନ ଭୋକ୍ତା, ମନୋରଂଜନ ଭୋଇ ପ୍ରମୁଖ ପୂଜା ପରିଚାଳନାରେ ସହଯୋଗ କରିଥିଲେ | ଆସନ୍ତା କାଲି ବିଶ୍ୱକର୍ମାଙ୍କ ବିସର୍ଜନ ଅନୁଷ୍ଠିତ ହେବ ବୋଲି ଜଣାପଡିଛି l