ସମ୍ବଲପୁର, ୨୭/୬- ଗତ ରାତିରେ ଡକାୟତି ପାଇଁ ଯୋଜନା କରୁଥିବା ସମୟରେ ପୁଲିସ ସେମାନଙ୍କୁ ଘଟଣାସ୍ଥଳରେ ହିଁ କାବୁ କରି ଗିରଫ କରିଛି । ସ୍ଥାନୀୟ ବୁର୍ଲା ଥାନା ସୂତ୍ରରୁ ପ୍ରାପ୍ତ ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ପୁଲିସ ଦଳ ପେଟ୍ରୋଲିଙ୍ଗ କରୁଥିବା ସମୟରେ ଗୋଲଗୁଣ୍ଡା ଛକ ପାଖରେ ଚାରି ଜଣଙ୍କୁ ସନ୍ଦିଗ୍ଧ ଅବସ୍ଥାରେ ଦେଖି ସେମାନଙ୍କୁ ଧରି ପକାଇଥିଲେ । ସେହି ଅଞ୍ଚଳରେ ଜାତୀୟ ରାଜପଥ ଦେଇ ଗତାଗତ କରୁଥିବା ଟ୍ରକମାନଙ୍କରୁ ଲୁଟପାଟ ଓ ଡକାୟତି ହେବାର ଅନେକ ଅଭିଯୋଗ ମିଳିଥିବାରୁ ପୁଲିସଦଳ ସତର୍କତା ଅବଲମ୍ବନ କରିଥିଲେ । ସେମାନଙ୍କ ଠାରୁ ଡକାୟତି ପାଇଁ ବ୍ୟବହୃତ ହତିଆର ଓ ଅନ୍ୟ ସାମଗ୍ରୀ ବରାମଦ ହେଲା ପରେ ତାଙ୍କର ସନ୍ଦେହ ସତ ହୋଇଥିଲା ।