ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲାର ଭାରତ ସ୍କାଉଟ ଓ ଗାଇଡ ଏବଂ ଜୀବନ ବିନ୍ଦୁ ଅନୁଷ୍ଠାନର ସଂପାଦକ ଦୁର୍ଯୋଧନ ରାଉତଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ଭାରତ ସ୍କାଉଟ୍ ମୁଖ୍ୟ ତଥା ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ସହ ଶିକ୍ଷା ଅଧିକାରୀ ଡ଼. ରାଧାକାନ୍ତ ଗଡତିଆ , ମଞ୍ଜୁଲତା ଭୋଇ, ଏବିଓ ସାନ୍ତାନୁ ଆଚାର୍ଯ୍ୟ ,ଏବିଓ ଫକିର ଚରଣ ଭୋଇ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ । ବରିଷ୍ଠ ଶିକ୍ଷୟତ୍ରୀ ଇନ୍ଦିରା ମିଶ୍ର ଅତିଥି ପରିଚୟ ପ୍ରଦାନ କରିଥିଲେ । ଏଥିରେ ଭାରତ ସ୍କାଉଟର ସମ୍ପାଦକ ଜିଲ୍ଲାରେ ରକ୍ତର ଅଭାବରେ ଯେପରି କେହି ମୃତ୍ୟୁ ବରଣ ନକରିବେ ସେଭଳି ମହତ୍ ସନ୍ଦେଶ ଦେଇଥିବା ବେଳେ, ବ୍ଲକର ସମସ୍ତ ପ୍ରାଥମିକ ଓ ଉଚ୍ଚ ବିଦ୍ୟାଳୟର ଶିକ୍ଷକ ଓ ଶିୟୟିତ୍ରୀମାନେ ରକ୍ତଦାନ ସକାଶେ ଆଗକୁ ଆସି ରକ୍ତଦାନ କରିଥିଲେ । ଏହି ଅବସରରେ ଜିଲ୍ଲା ମୁଖ୍ୟ କମିଶନର ସମସ୍ତ ରକ୍ତଦାତାଙ୍କୁ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯକ୍ରମରେ ସନ୍ଧ୍ୟା ରାଣୀ କ୍ଷେତି, ଅନନ୍ତ ରାମ ମେଣ୍ଡିଲି, ଦାମୋଦର ଥେଟୁଆଲ୍, ଯୋଶବନ୍ତ ପୁଟେଲ, କାହ୍ନୁଚରଣ ପୁଝାରୀ, ଲକ୍ଷ୍ମଣ ଥନାପତି, ରଘୁନାଥ ଥନାପତି, ପ୍ରଜ୍ଞା ପରମିତା ଦାଶ, ପ୍ରଜ୍ଞା ପରମିତା ମିଶ୍ର, ଅନିତା ହୋତା, ପ୍ରାଣବନ୍ଧୁ ସୁରୁ ଗୁଜିଆ, ସତ୍ୟବ୍ରତ ମିଶ୍ର, କ୍ଷୀର ସିନ୍ଦୁ ସୁରୁଗୁଜିଆ, ଲଳିତା ସାହୁ ଓ ସ୍କାଉଟ ଗାଇଡ ଛାତ୍ରୀମାନେ ସହାୟତା କରିଥିଲେ ।