ପୁରୀ : ଶ୍ରୀମନ୍ଦିର ପଶ୍ଚିମ ଦ୍ୱାର ପଟେ ଭକ୍ତଙ୍କୁ ପ୍ରବେଶ ଅନୁମତି ଆଜି ଠାରୁ ଦିଆଯାଇଛି । ଶୃଙ୍ଖଳିତ ଦର୍ଶନ ପାଇଁ ପଶ୍ଚିମ ଦ୍ୱାର ଖୋଲାଯାଇଛି ଭକ୍ତଙ୍କ ପାଇଁ । ରଥ ଖଳାରେ ରଥ ନିର୍ମାଣ କାର୍ଯ୍ୟ ସୁରୁଖୁରୁରେ ଚାଲିବା ପାଇଁ ଏବଂ ଚନ୍ଦନଯାତ୍ରାରେ ଠାକୁରଙ୍କ ବିମାନ ବଡ଼ଦାଣ୍ଡ ରେ ଯିବା ପାଇଁ ବଡ଼ ଦାଣ୍ଡରେ ଥିବା ଅସ୍ଥାୟୀ ବ୍ୟାରିକେଡ ଖୋଲାଯାଇଛି । ପ୍ରବଲ ଗ୍ରୀଷ୍ମପ୍ରବାହକୁ ଦେଖାଯାଇ ପଶ୍ଚିମ ଦ୍ୱାର ପଟେ ଭକ୍ତଙ୍କୁ ଶ୍ରୀମନ୍ଦିର ପ୍ରବେଶ ନେଇ ଆଜିଠାରୁ ବ୍ୟବସ୍ଥା ହୋଇଛି । ଭକ୍ତଙ୍କ ସୁବିଧା ପାଇଁ କପଡା ସେଡ, ପାନୀୟ ଜଳ ବ୍ୟବସ୍ଥା, ଜୋତା ଷ୍ଟାଣ୍ଡ ର ବ୍ୟବସ୍ଥା ହୋଇଛି । ଆଜିର ଦର୍ଶନ ବ୍ୟବସ୍ଥା ସମୀକ୍ଷା ପରେ ଆଉ କିଛି ପଦକ୍ଷେପ ଭକ୍ତଙ୍କ ସୁବିଧା ପାଇଁ ନିଆଯିବ ବୋଲି ପୁରୀ ଜିଲାପାଳ କହିଛନ୍ତି ।