ପାରଳାଖେମୁଣ୍ଡି : ସ୍ଥାନୀୟ ସରସ୍ୱତୀ ଶିଶୁ ବିଦ୍ୟା ମନ୍ଦିର, ପାରଳାଖେମୁଣ୍ଡି ଠାରେ ମହାଡମ୍ବର ସହ ଶିଶୁ ଦିବସ ପାଳିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ଶିଶୁ ବଟିକା ପ୍ରମୁଖ ଶ୍ରୀମତୀ ମମତା ମହାପାତ୍ର ଦୀପ ପ୍ରଜ୍ୱଳନ କରି କାର୍ଯ୍ୟକ୍ରମକୁ ଆଗେଇ ନେଇଥିଲେ । ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଶ୍ରୀ ସରୋଜ କୁମାର ପଣ୍ଡା ଶିଶୁ ଦିବସ ପାଳନର ଲକ୍ଷ୍ୟ ଓ ଉଦ୍ଦେଶ୍ୟ ନିଜ ବକ୍ତବ୍ୟ ରଖିଥିଲେ । ମୁଖ୍ୟ ବକ୍ତା ସୁଶ୍ରୀ ରାଜଲକ୍ଷ୍ମୀ ଚୌଧୁରୀ ଏହି ରାଷ୍ଟ୍ର ନିମନ୍ତେ ଶିଶୁଙ୍କ ନିଜର କର୍ତ୍ତବ୍ୟ କ’ଣ ରହିଛି ସେହି ସମ୍ପର୍କରେ ବୁଝାଇଥିଲେ । ଏହି ଅବସରରେ ବିଦ୍ୟାଳୟର ଭାଇଭଉଣୀମାନେ ଶିଶୁ ଶ୍ରମିକ, ବାଲ୍ୟବିବାହ ଭଳି ଶିଶୁଙ୍କ ପ୍ରତି ଘଟୁଥିବା ଅନ୍ୟାୟ ଓ ଅତ୍ୟାଚାର ସମ୍ପର୍କରେ ନିଜ ବକ୍ତବ୍ୟ ରେ ରଖିଥିଲେ । ବିଦ୍ୟାଳୟର ଶାରୀରିକ ପ୍ରମୁଖ ଶ୍ରୀ ମୁରଲୀ ମୋହନ ପ୍ରଧାନଙ୍କ ପରିଚଳନାରେ ଅଷ୍ଟମଠାରୁ ଦଶମ ଶ୍ରେଣୀ ଭାଇଭଉଣୀଙ୍କ ମଧ୍ୟରେ ବିଭିନ୍ନ ଆକର୍ଷଣୀୟ କୌତୁକ ଖେଳ ମାନ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମ ଶେଷରେ ମହାଲକ୍ଷ୍ମୀ ମହାପାତ୍ର ଭଉଣୀଙ୍କ ସହୀଦ ଉଦମ ସିଂ ଙ୍କ ନାଟକ ସମସ୍ତ ମନକୁ କିଣି ନେଇଥିଲା । ଶିଶୁ ଭାଇଭଉଣୀଙ୍କୁ ମିଷ୍ଟାନ୍ନ ବଣ୍ଟାଯାଇଥିଲା । ସମସ୍ତ ଗୁରୁଜୀ ଗୁରୁମାଙ୍କ ସହଯୋଗରେ କାର୍ଯ୍ୟକ୍ରମଟି ସଫଳତାର ସହ ସମ୍ପୂର୍ଣ୍ଣ ହୋଇଥିଲା ।