ଫୁଲବାଣୀ:କାମ କଲେ ହେଲେ ଅପେକ୍ଷା କରି କରି ବକେୟା ପାଉଣା ଗଣ୍ଡାକ ବି ମଧ୍ୟ ମିଳିଲାନି । କେତେ ଆଉ ଅପେକ୍ଷା କରିଥାନ୍ତେ । ମାସେ କି ଦିମାସ ନୁହେଁ ୨ ବର୍ଷ ହୋଇଗଲାଣି । ଏଭଳି ଅଭିଯୋଗ ଆଣିଛନ୍ତି ଫେଡକୋ ବିରୁଦ୍ଧରେ ।
ଫଳରେ ମଙ୍ଗଳବାର ବହୁ ଶ୍ରମିକ ଏନେଇ କନ୍ଧମାଳ ଜିଲ୍ଲାପାଳଙ୍କୁ ଏକ ସ୍ମାରକ ପତ୍ର ପ୍ରଦାନ କରିଛନ୍ତି ।
ସୂଚନାଯୋଗ୍ୟଯେ,ଜିଲ୍ଲାର ବହୁ ଶ୍ରମିକ ଦିନଦୟାଲ ଉପାଧ୍ୟାୟ ଗ୍ରାମୀଣ ବିଦ୍ୟୁତକରଣ ଯୋଜନା କାର୍ଯ୍ୟ ନେଇଥିବା ଫେଡକୋରେ କାର୍ଯ୍ୟ କରିଥିଲେ । ହେଲେ କଂପାନୀ କାର୍ଯ୍ୟରତ ଶ୍ରମିକମାନଙ୍କ ବକେୟା ପାଉଣା ନଦେଇ ଛୁ ମାରିଛି । ବକେୟା ପାଉଣା ମାଗିଲେ କଂପାନୀ କର୍ମଚାରୀ ଓଲଟା ଧମକ ଦେଉଛନ୍ତି ବୋଲି ଶୁଭକାନ୍ତ ପ୍ରଧାନ । ନୃସିଂହ ନନ୍ଦ, ବସନ୍ତ ପଣ୍ଡା, ମଦନପାତ୍ର ପ୍ରମୁଖ ଅଭିଯୋଗ କରିଛନ୍ତି । କରୋନା ମହାମାରୀ ସମୟରେ ସେମାନେ କାମ ଧନ୍ଦା ଏତଟା ନଥିବାରୁ ଦୁଃଖ କଷ୍ଟରେ ପରିବାର ଚଳାଉଥିବାବେଳେ କଂପାନୀ କର୍ତ୍ତୃପକ୍ଷ ବକେୟା ପାଉଣା ଗଣ୍ଡାକ ବି ଦେଉନି । ପ୍ରଶାସନ ଏଥିପ୍ରତି ଦୃଷ୍ଟିଦେଇ ସେମାନଙ୍କ ବକେୟା ପାଉଣା ମିଳିବାର ବ୍ୟବସ୍ଥା କରିଦେବା ପାଇଁ ବିରୁପାକ୍ଷ କହଁର, ପ୍ରମୋଦ ମଲିକ, ରଜିଂତ ମଲିକ, ଜିତେନ୍ଦ୍ର ଖଟୁଆ ପ୍ରମୁଖ ଦାବୀ କରିଛନ୍ତି ।