ନବରଂଗପୁର: ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ନବରଙ୍ଗପୁର ତରଫରୁ ଦାରୁବନ୍ଧ ସାହି ସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ନଗର ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ରାଜ୍ୟ ଉପସଭାପତି ଅଧ୍ୟପକ ସୌମେନ୍ଦ୍ର କୁମାର ସ୍ୱାଇଁ ଉପସ୍ଥିତ ହୋଇ ବିଦ୍ୟର୍ଥୀ ପରିଷଦର ଲକ୍ଷ୍ୟ ଓ ଆଦର୍ଶ ବିଷୟରେ ଅଭିଭାଷଣ ରଖିଥିଲେ ।ସମ୍ମାନିତ ଅତିଥି ରୂପେ ନବରଙ୍ଗପୁର ମହିଳା ମହାବିଦ୍ୟାଳୟର ଶିକ୍ଷା ବିଭାଗର ବିଭାଗୀୟ ପ୍ରମୁଖ ଡ. ସଂଯୁକ୍ତା ପଣ୍ଡା ଯୋଗଦେଇ ଛାତ୍ର ଜୀବନରେ ସମାଜ ପ୍ରତି କର୍ତ୍ତବ୍ୟ ଏବଂ ଆଜିର ଛାତ୍ର ଆଜିର ନାଗରିକ ତଥା ଛାତ୍ର ନିଜ ସ୍ୱାର୍ଥ ଅପେକ୍ଷା ସାମୁହିକ ସ୍ୱାର୍ଥ ପ୍ରତି ଧ୍ୟାନ ଦେବା ଆବଶ୍ୟକ ବୋଲି ନିଜ ଅଭିଭାଷଣରେ କହିଥିଲେ । ମୁଖ୍ୟବକ୍ତା ଭାବେ କୋରାପୁଟ ବିଭାଗ ସଂଗଠନ ସମ୍ପାଦକ ତନ୍ମୟ ପ୍ରଧାନ ଉପସ୍ଥିତ ରହି ଏଭିବିପିର କ୍ରମବିକାଶ ଏବଂ ଉପଲବ୍ଧି ବିଷୟରେ ବକ୍ତବ୍ୟ ରଖିଥିଲେ । ନବରଙ୍ଗପୁର ଜିଲ୍ଲାର ଜିଲ୍ଲା ସଂଯୋଜକ ସୁମନ କୁମାର ଦାସ ଅତିଥି ମାନଙ୍କ ପରିଚୟ ପ୍ରଦାନ କରିଥିବା ବେଳେ ମାଲକାନଗିରି ନଗର ସଂଗଠନ ସମ୍ପାଦକ ସୁବାଷ ନାୟକ ରାଉରକେଲା ନଗର ସଂଗଠନ ସମ୍ପାଦକ ଅଶ୍ୱନି ପାଇକ ଉପସ୍ଥିତ ଥିଲେ । ପୁରୁଣା କାର୍ଯ୍ୟକାରିଣୀ ଭଙ୍ଗ କରାଯାଇ ନୂତନ କାର୍ଯ୍ୟକାରିଣୀ ଘଷଣା କରାଗଲା ।ଏଥିରେ ନୂତନ ନଗର ସଭାପତି ଅଧ୍ୟାପିକା ଡ. ସଂଯୁକ୍ତା ପଣ୍ଡା, ନଗର ସମ୍ପାଦକ ନବରଙ୍ଗପୁର ମହାବିଦ୍ୟାଳୟର ଛାତ୍ର ନେତା ଦାୟିତ୍ୱ ଗ୍ରହଣ କରିଥିଲେ । ସହ ସମ୍ପାଦକ ଭାବରେ ରହିତ କୁମାର ଭଞ୍ଜ,ଏସଏଫଡି ଦେବରଂଜନ ରଥ, ଆର କେ ଏମ ପ୍ରମୁଖ ଭାବରେ ବିଶାଳ ଭାଇ, ଖେଳ ପ୍ରମୁଖ ଭାବରେ ମହିନୀ ବେହେରା, ଏସଏଫଏସ ପ୍ରମୁଖ ଭାବରେ ଆଶୁତୋଷ ପୂଜାରୀ ଶେଷରେ ବିଭାଗ ସଂଗଠନ ସମ୍ପାଦକ ତନ୍ମୟ ପ୍ରଧାନ ନୃତନ କାର୍ଯ୍ୟକାରିଣୀ ଭାବେ ଦାୟିତ୍ୱ ଗ୍ରହଣ କରିଥିବା ସମସ୍ତ କାର୍ଯ୍ୟକର୍ତ୍ତାଙ୍କୁ ଶୁଭେଚ୍ଛା ଓ ଶୁଭକାମନା ଜଣାଇଥିଲେ । ଶେଷରେ ବନ୍ଦେ ମାତା ଗାନ ପରେ ନଗର ସମ୍ମିଳନୀ ସମାପ୍ତ ହୋଇଥିଲା ।