ଦଶପଲ୍ଲା : ଗତକାଲି ରାତି ୯ ଘଟିକା ସମୟରେ ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ୍, ମହାନଦୀ ବନ୍ୟପ୍ରାଣୀ ବନଖଣ୍ଡ ଅନ୍ତର୍ଗତ, ବାଣିଗୋଛା ବନ୍ୟପ୍ରାଣୀ ବନାଞ୍ଚ଼ଳ( ପଶ୍ଚିମ), ୫୭ ନଂ ଖୋର୍ଦ୍ଧା ବଲାଙ୍ଗୀର ଜାତୀୟ ରାଜପଥର ଶାଳଭଙ୍ଗା ଜଙ୍ଗଲର, ମଧ୍ୟସ୍ଥଳ ଓସ୍ତବାଙ୍କଠାରେ, ଅଜଣା ଗାଡି ଧକ୍କାରେ ମୃତ୍ୟୁବରଣ କରିଥିବା ଚିତାବାଘର ମୃତ ଶରୀରକୁ ଆଜି ବାଣିଗୋଛା ବନାଞ୍ଚ଼ଳ କାର୍ଯ୍ୟାଳୟଠାରେ ଶବ ବ୍ୟବଚ୍ଛେଦ କରାଯାଇଥିଲା । ଦଶପଲ୍ଲା ପ୍ରାଣୀ ଚିକିତ୍ସକ ନିହାର ରଂଜନ ସାମନ୍ତରାୟ ମୃତ ଚିତାବାଘର ଶବ ବ୍ୟବଚ୍ଛେଦ କରିଥିଲେ । ବ୍ୟବଚ୍ଛେଦ ସମୟରେ ଆଂଚଳିକ ବନ୍ୟପ୍ରାଣୀ ସଂରକ୍ଷକ ଡ଼.ପ୍ରଦୀପ ରାଜ୍ କରାତ୍ (ଆଇଏଫ୍ଏସ୍), ଭାରପ୍ରାପ୍ତ ମହାନଦୀ ବନ୍ୟପ୍ରାଣୀ ବନଖଣ୍ଡ ଅଧିକାରୀ ଶୁଭଦର୍ଶିନୀ ମହାନ୍ତି, ବାଣିଗୋଛା ପଶ୍ଚିମ ବନ୍ୟପ୍ରାଣୀ ବନାଞ୍ଚଳ ଅଧିକାରୀ ସଂସାର ବର୍ଗିଆଙ୍କ ସମେତ ଅନ୍ୟ ବନକର୍ମଚାରୀମାନେ ମଧ୍ୟ ଉପସ୍ଥିତ ରହିଥିଲେ ।