ଦଶପଲ୍ଲା : ଚଳିତ ବର୍ଷ ଫେବୃଆରୀ ମାସରେ ସର୍ବଭାରତୀୟ ସ୍ତରରେ ଜାତୀୟ ଶୈକ୍ଷିକ ଅନୁସନ୍ଧାନ ଏବଂ ପ୍ରଶିକ୍ଷଣ ପ୍ରତିଷ୍ଠାନ (ଏନସିଇଆରଟି) ଦ୍ୱାରା ଅନୁଷ୍ଠିତ ଜାତୀୟ ମେଧା ଅନ୍ୱେ୍ୱଷଣ ପରୀକ୍ଷାରେ ନୟାଗଡ ଜିଲ୍ଲାରୁ ସିଦ୍ଧାର୍ଥ ନାରାୟଣ ମିଶ୍ର କୃତକାର୍ଯ୍ୟ ହୋଇ ଜାତୀୟ ବୃତ୍ତି ପାଇବା ପାଇଁ ଯୋଗ୍ୟତା ହାସଲ କରିବା ସହ ଜିଲ୍ଲାପାଇଁ ଗୈାରବ ଆଣିଛନ୍ତି । ନୟାଗଡ ମହର୍ଷି ବିଦ୍ୟାମନ୍ଦିରରେ ଅଧ୍ୟୟନ କରୁଥିବା ଶ୍ରୀମାନ ମିଶ୍ର ଚଳିତବର୍ଷ ଦଶମ ଶ୍ରେଣୀ ପରୀକ୍ଷା ଦେଇଛନ୍ତି । ସେ ଜଣେ ମେଧାବୀ ଛାତ୍ର ହିସାବରେ ପିଲାଟିଦିନୁ ନିଜର ପ୍ରତିଭାର ପରିଚୟ ପ୍ରଦାନ କରିଥିବା ବେଳେ ବିଦ୍ୟାଳୟସ୍ତରୀୟ ବିଭିନ୍ନ ପ୍ରତିଯୋଗିତାରେ ନିଜର ପରାକାଷ୍ଠା ଦେଖାଇ ବେଶ ପ୍ରଶଂସିତ ହୋଇଛନ୍ତି । ଜାତୀୟ ସ୍ତରରେ ଏହି ବିରଳ କୃତିତ୍ୱ ହାସଲ କରିଥିବା ଶ୍ରୀମାନ ମିଶ୍ର ନୟାଗଡ ଏନଏସି ହାଇସ୍କୁଲର ଖେଳ ଶିକ୍ଷକ ଉମାକାନ୍ତ ମିଶ୍ରଙ୍କ ସୁପୁତ୍ର ଅଟନ୍ତି । ତାଙ୍କର ଏହି କୃତିତ୍ୱରେ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ତଥା ଛାତ୍ରଛାତ୍ରୀଙ୍କ ମହଲରେ ଖୁସି ର ଲହରି ଖେଳିଯାଇଛି ।