ଦଶପଲ୍ଲା : ନୟାଗଡ ଜିଲ୍ଲା ନୂଆଗାଁ ବ୍ଲକ ମହିପୁର ସ୍ୱାସ୍ଥ୍ୟକେନ୍ଦ୍ର ଠାରେ ବିଜୁ ଯୁବ, ଛାତ୍ର ଜନତା ଦଳ ତରଫରୁ ଏକ ରକ୍ତଦାନ ଶିବିର ଆୟୋଜିତ ହୋଇଯାଇଛି । ଦଶପଲ୍ଲା ବିଧାୟକ ତଥା ନୟାଗଡ ଜିଲ୍ଲା ବିଜେଡି ସଭାପତି ରମେଶ ଚନ୍ଦ୍ର ବେହେରା ଶିବିରକୁ ଆନୁଷ୍ଠାନିକ ଭାବରେ ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବରେ ନୂଆଗାଁ ବ୍ଳକ୍ ଅଧ୍ୟକ୍ଷ ଅନ୍ତର୍ଯ୍ୟାମୀ ସ୍ୱାଇଁ, ବ୍ଲକ ଉପଧ୍ୟକ୍ଷା ପୁଷ୍ପାଞ୍ଜଳୀ ସାହୁ ଯୋଗ ଦେଇଥିବା ବେଳେ, ନୂଆଗାଁ ବ୍ଲକ ଯୁବ ବିଜେଡି ସଭାପତି ଶୁଭ୍ରାଂଶୁ ଶେଖର ସେନାପତି, ଛାତ୍ର ବିଜେଡି ନୟାଗଡ ଜିଲ୍ଲା ଉପ-ସଭାପତି ଅମୂଲ୍ୟ ସାହୁ, ଛାତ୍ର ବିଜେଡି ବ୍ଲକ ସଭାପତି ସୁବ୍ରତ କୁମାର ପରିଡା , ନୁଆଗାଁ ବ୍ଲକ୍ ବିଜେଡି ସଭାପତି ସନ୍ନ୍ୟାସୀ ସାମଲ, ନୁଆଗାଁ ବ୍ଲକ୍ ବିଜେଡି ଉପ-ସଭାପତି ମୁରଲୀଧର ଜେନା , ଯୁବ ଛାତ୍ର ଜନତା ଦଳର ସମସ୍ତ କର୍ମକର୍ତ୍ତା ଉପସ୍ଥିତ ରହି ଶିବିର ପରିଚାଳନା କରିଥିଲେ । ଅନେକ ଦଳୀୟ କାର୍ଯ୍ୟକର୍ତ୍ତା ଶିବିରରେ ସ୍ୱେଚ୍ଛାକୃତ ଭାବରେ ରକ୍ତଦାନ କରିଥିଲେ । ଆଗାମୀ ଦିନରେ ରକ୍ତଦାନ ଶିବିର କାର୍ଯ୍ୟକ୍ରମକୁ ନିର୍ବାଚନମଣ୍ଡଳୀରେ ଅଧିକ ବ୍ୟାପକ କରାଯିବ ବୋଲି ବିଧାୟକ ଶ୍ରୀ ବେହେରା କହିଛନ୍ତି । ଆୟୋଜିତ ଶିବିରରେ ସମୁଦାୟ ୭୦ ୟୁନିଟ ରକ୍ତ ସଂଗୃହୀତ ହୋଇଥିଲା । ଆସନ୍ତାକାଲି ଏଭଳି ଏକ କାର୍ଯ୍ୟକ୍ରମ ଦଶପଲ୍ଲାରେ ଆୟୋଜିତ ହେବ ବୋଲି ସୂଚନା ମିଳିଛି ।