ସୁବର୍ଣ୍ଣ ପୁର: ସୁବର୍ଣ୍ଣପୁର ଜିଲ୍ଲା କଂଗ୍ରେସ ପକ୍ଷରୁ ସ୍ଥାନୀୟ କସ୍ତୁରୀ ହୋଟେଲର ସମ୍ମିଳନୀ କକ୍ଷରେ ଅଗଷ୍ଟ ୯ ମହାନ କ୍ରାନ୍ତି ଦିବସକୁ ମହାସମାରୋହରେ ପାଳନ କରାଯାଇଛି । ଜିଲ୍ଲା ଲିଗାଲସେଲର ସୁଧୀର କୁମାର ପଣ୍ଡାଙ୍କ ସଂଯୋଜନା କ୍ରମେ ଆରମ୍ଭ ହୋଇଥିବା ଆଲୋଚନା ଚକ୍ରରେ ଜିଲ୍ଲା କଂଗ୍ରେସ ସଭାପତି ଗୌରୀଶ୍ୟାମ ପଣ୍ଡା ବରିଷ୍ଠ କଂଗ୍ରେସ ନେତା ମାଧବ କୁମ୍ଭାର,ରାଜେଶ ମିଶ୍ର, ନିମାଇଁ ଚରଣ ପାଣିଗ୍ରାହୀ, ମହିଳା କଂଗ୍ରେସର ସୂର୍ଯ୍ୟ କାନ୍ତି ବାଘ,ସତ୍ୟଭାମା ମେହେର ପ୍ରମୁଖ ଯୋଗଦେଇ ଆଜି ଦିନର ତାତ୍ପର୍ଯ୍ୟ ସଂପର୍କରେ ଆଲୋଚନା କରି ବ୍ରିଟିଶ ସାମ୍ରାଜ୍ୟର ମୂଳୋତ୍ପାଟନରେ ମହାତ୍ମାଗାନ୍ଧୀଙ୍କ ଭୂମିକାକୁ ସ୍ମରଣ କରିଥିଲେ । ଶେଷରେ ଏକ ମଶାଲ ଶୋଭାଯାତ୍ରା ଅନୁଷ୍ଠିତ ହୋଇ ନଗର ପରିକ୍ରମା କରିଥିଲେ ।