ଭୁବନେଶ୍ୱର: ଆଜି କଳାହାଣ୍ଡି ଗସ୍ତରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯିବାର କାର୍ଯ୍ୟକ୍ରମ ରହିଛି । ଆଜି ମମିତା ମେହେର ମୃତ୍ୟୁକୁ ମାସେ ପୁରିଥିଲେ ମଧ୍ୟ ଏଯାଏଁ ମମିତାଙ୍କ ପରିବାରକୁ ମିଳିପାରିଲା ନାହିଁ ନ୍ୟାୟ । ଏଥିପାଇଁ ସାରା ରାଜ୍ୟରେ ବିରୋଧୀମାନେ ବିକ୍ଷୋଭ ପ୍ରଦର୍ଶନ କରୁଛନ୍ତି । ତେବେ ଆଜି ନବୀନଙ୍କ କଳାହାଣ୍ଡି ଗସ୍ତକୁ ସଫଳ କରାଇଦେବ ନାହିଁ ବୋଲି ବିଜେପି ଚେତାବନୀ ଦେଇଛି ।
ବର୍ତ୍ତମାନ ବିଜେପିର ଏକ ବିଶାଳ ରାଲି ରାଜମହଲ ଛକରୁ ବାହାରି ଶିଶୁଭବନ ଛକ ଦେଇ ନବୀନ ନିବାସ ଅଭିମୁଖେ ଯାତ୍ରା କରୁଥିବା ସମୟରେ ନାରାବାଜି ସହ ବିଜେପିକର୍ମୀ ମାନେ କଳାପତାକା ପ୍ରଦର୍ଶନ କରୁଛନ୍ତି । ବ୍ୟାରିକେଟ ଭାଙ୍ଗି ତୀବ୍ର ବେଗରେ ନବୀନ ନିବାସ ଅଭିମୁଖେ ମାଡିଆସୁଛି ରାଲି । ପୋଲିସ୍ ଓ କର୍ମୀ ମାନଙ୍କ ମଧ୍ୟରେ ଧସ୍ତାଧସ୍ତି ହେବାରୁ ବିଜେପି କର୍ମୀମାନଙ୍କୁ ପୋଲିସ୍ ଟେକିନେଉଛି ।