ଘୁ ଉଦୟଗିରି: ଦୀର୍ଘ ଦିନ ହେଲା ସହରର ୨ନଂ ୱାର୍ଡ ସ୍ଥିତ ଶଙ୍ଖସାହି ନିକଟରେ କିଛି ଦିନ ହେଲା ଏକ ଘରେ ଜୁଆ ଆଡ୍ଡା ଚାଲିଥିବା ବିଷୟରେ ସ୍ଥାନୀୟ ଏସଡିପିଓ ଡି ତିରୁପତି ରାଓ ପଟ୍ଟନାୟକ ବିଶ୍ୱସ୍ତ ସୂତ୍ରରୁ ଖବର ପାଇ ଗତକାଲି ରାତିରେ ନିଜେ ଯାଇ ଖବରର ସତ୍ୟାସତ ଜାଣିବା ନିମନ୍ତେ ସେଇ ସ୍ଥାନରେ ପହଞ୍ଚି ଖବର ନେବା ସହ ବହୁ ଲୋକଙ୍କ ମଧ୍ୟରେ ଜୁଆ ଖେଳ ଚାଲିଥିବା ଦେଖି ସ୍ଥାନୀୟ ଥାନାର ଅଫିସରଙ୍କୁ ଖବର ଦେବା ପରେ ଥାନା ଏସଆଇ ଅନନ୍ତ କୁମାର ପ୍ରଧାନଙ୍କ ନେତୃତ୍ୱରେ ଏକ ଟିମ ଜୁଆ ଖେଳ ଚାଲିଥିବା ଘର ଉପରେ ଚଢ଼ାଉ କରିଥିଲେ । ପୋଲିସ ଭୟରେ ଜୁଆ ଖେଳୁଥିବା ଜୁଆଡି ମାନେ ଘର କବାଟ ଭାଙ୍ଗି ଦୌଡ଼ି ପଳେଇଥିଲେ । କିନ୍ତୁ ଘଟଣା ସ୍ଥଳରୁ ପୋଲିସ ହାତରେ ୪ ଜଣ ଧରା ପଡିଥିବା ବେଳେ ନଗଦ ୬୯୭୩୦ ଟଙ୍କା, ୩ ଗୋଟି ବାଇକ, ତାସ, ୪ ଗୋଟି ମୋବାଇଲକୁ ପୋଲିସ ଜବତ କରିବା ସହ ଥାନା କେଶ ନମ୍ବର ୧୧୦/୨୨, ଧାରା ୩ ଓପିଜି ଅନୁସାରେ ମାମଲା ରୁଜୁ କରିଥିଲେ । ସେଇ ସ୍ଥାନରେ କେତେ ଦିନ ହେଲା ଖେଳ ଚାଲୁଥିଲା, କେଉଁ କେଉଁ ସ୍ଥାନରୁ କେତେଲୋକ ଖେଳିବାକୁ ଆସୁଥିଲେ, ଜୁଆ ଖେଳର ପରିଚାଳନା କାହା ଦ୍ୱାରା ହେଉଥିଲା ଓ କେଉଁ ମାନେ ସେଦିନ ଉପସ୍ଥିତ ଥିଲେ, ଅଟକ ବ୍ୟକ୍ତିଙ୍କ ଠାରୁ ପୋଲିସ ଏହି ସବୁ ତଥ୍ୟର ତଦନ୍ତ ଜାରି ରଖିଥିବା ସୂଚନା ମିଳିଛି । ଜୁଆ ଆଡ୍ଡାର ମୁଖ୍ୟକୁ ଗିରଫ କରିବା ପାଇଁ ପୋଲିସ କେତେଦୂର ସଫଳ ହେବ ଓ ଜୁଆ ଆଡ୍ଡା କିପରି ବନ୍ଦ ହେବ ତାହା ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି ।