ଭୁବନେଶ୍ୱର ୨୧ ।୭: ବୟସ ୯୫ ସରିକି, ଚର୍ମ ଧୁଡଧୁଡ ତଥାପି ଏହି ବୟସର ଜଣେ କରୋନା ଆକ୍ରାନ୍ତ ଉଦୟ ନାଥ ବିଶୋୟୀ କରୋନାରୁ ସୁସ୍ଥ ହୋଇ କରୋନାକୁ ଜିତିଛନ୍ତି । ଏ ନେଇ ଗଞ୍ଜାମ ଜିଲ୍ଲାପାଳ ଟ୍ୱିଟ ଯୋଗେ ସୂଚନା ଦେବା ସହିତ ତାଙ୍କୁ ଶୁଭେଚ୍ଛା ଜଣାଇଛନ୍ତି । ରାଜ୍ୟ ସରକାର ସବୁ କଳବଳ ଲଗାଇ ଗଞ୍ଜାମର ସଂକ୍ରମଣ ଓ ମୃତ୍ୟୁହାର ରୋକିବାକୁ ସମରସଜ୍ଜା କରିଥିବା ବେଳେ ଉଦୟନାଥଙ୍କୁ ଏଥିରୁ ମୁକ୍ତି ପାଇଁ ଆଜି କରୋନାକୁ ଜିତି ଯାଇଛନ୍ତି । କାରଣ ଇତି ମଧ୍ୟରେ କରୋନା ଗଞ୍ଜାମ ଜିଲ୍ଲାରେ ନିଜର କରାଳ ରୂପ ଦେଖାଇ ପ୍ରତିଦିନ ମୁଣ୍ଡ ଉପରେ ମୁଣ୍ଡ ନେଉଥିବା ବେଳେ ଉଦୟନାଥ ଏଥିରୁ ମୁକୁଳି ଆସି ଆଜି ନିଜର ନାତିନାତୁଣୀ ଓ ପରିବାର ପାଖରେ ପହଞ୍ଚିପାରିଛନ୍ତି । ଯାହା ଏବେ ଏକ ଚର୍ଚ୍ଚାର ବିଷୟ ପାଲଟିଛି ।