ବୌଦ୍ଧ /ବାଉଁଶୁଣି: ଆଜି ପବିତ୍ର ବିଶ୍ୱକର୍ମା ପୂଜା ଭକ୍ତି ଓ ନିଷ୍ଠାର ସହ ଜିଲ୍ଲାର କୋଣେ ଅନୁକୋଣେ ପାଳିତ ହୋଇ ଯାଇଛି । କୋଭିଡ୍ ଯୋଗୁଁ ବିଭିନ୍ନ କଟକଣା ଭିତରେ ଜିଲ୍ଲାର ବିଭିନ୍ନ ଗ୍ୟାରେଜ୍, ନିର୍ମାଣ କାରିଗର ସଂଘ, ମୋଟର ଚାଳକ ସଂଘ ଓ ଯାନ୍ତ୍ରୀକ ଉପବିଭାଗ ମାନଙ୍କରେ ବିଶ୍ୱ ନିର୍ମାତା ବିଶ୍ୱକର୍ମାଙ୍କ ପୂଜା ଅନୁଷ୍ଠିତ ହୋଇ ଯାଇଛି । ବାଉଁଶୁଣିସ୍ଥିତ ମା ମାହେଶ୍ୱରୀ ଗାଡି ଚାଳକ ସଂଘ ତରଫରୁ ୨୫ ତମ ବାର୍ଷିକ ବିଶ୍ୱକର୍ମା ପୂଜା ସଦସ୍ୟ ମାନେ ମିଳିତ ଭାବେ ନିଜସ୍ୱ ଷ୍ଟାଣ୍ଡରେ ପାଳନ କରିଛନ୍ତି । ସେହିଭଳି ଗୋପୀନାଥପୁର ବୀର ବଜରଙ୍ଗବାଲି କାରିଗର ସଂଘ ପକ୍ଷରୁ ମଧ୍ୟ ବିଶ୍ୱକର୍ମାଙ୍କ ପୂଜା ଅନୁଷ୍ଠିତ ହୋଇଯାଇଛି । ଜିଲ୍ଲାର ବୌଦ୍ଧ ସହର ସମେତ ପୁରୁଣାକଟକ, ଜହ୍ନାପଙ୍କ, ବାଉଁଶୁଣି, ମନମୁଣ୍ଡା, ପଲସାଗୋରା, କଣ୍ଟାମାଳ ସମେତ ଜିଲ୍ଲାର କୋଣେ ଅନୁକୋଣେ ବିଭିନ୍ନ ସ୍ଥାନରେ ବିଶ୍ୱକର୍ମା ପୂଜା କୋଭିଡ କଟକଣାକୁ ଅନୁପାଳନ କରି ପାଳନ କରାଯାଇଥିବା ଜଣାପଡିଛି ।