ମେହେର ସୁପର ଷ୍ଟାର କ୍ରିକେଟ ଟୁର୍ଣ୍ଣାମେଣ୍ଟ, ଫାଇନାଲରେ ସମ୍ବଲପୁର ଓ ଅନୁଗୁଳ

ବୌଦ୍ଧ/ବାଉଁଶୁଣି,୧୧/୧୧ – ବlଉଁଶୁଣି ଠାରେ ଚାଲିଥିବା 12 ଓଭର ବିଶିଷ୍ଟ ମେହେର ସୁପର ଷ୍ଟାର୍ କ୍ରିକେଟ ଟୁର୍ଣ୍ଣାମେଣ୍ଟର ଆଜି ଦୁଇ ଗୋଟି ସେମିଫାଇନାଲ ମ୍ୟାଚ୍ ଅନୁଷ୍ଠିତ ହୋଇ ସମ୍ବଲପୁର ଓ ଅନୁଗୁଳ ଟିମ୍ ଫାଇନାଲରେ ପ୍ରବେଶ କରିଛନ୍ତି | ଆଜି ପ୍ରଥମ ସେମି ଫାଇନାଲ ମ୍ୟାଚରେ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ 12 ଓଭରରେ ଅନୁଗୁଳ ଦଳ 122 ରନ୍ କରିଥିଲା l ଜେନା ସ୍ପୋଟିଂ ଦଳ ମାତ୍ର 86 ରନ୍ କରି ପରାଜୟ ବରଣ କରିଥିଲା l ଦ୍ବିତୀୟ ସେମି ଫାଇନାଲ ରେ ପ୍ରଥମେ ବ୍ୟାଟିଂ କରି ସମ୍ବଲପୁର ସ୍ପୋଟିଂ 120 ରନ୍ କରିଥିଲା l ରେଡ ରୋଜ ସୋନପୁର ଉକ୍ତ ମ୍ୟାଚରେ 28 ରନ୍ ରେ ହାରି ଯାଇଥିଲା l 5 ଦିନ ଧରି ଚାଲିଥିବା ଉକ୍ତ ଟୁର୍ଣ୍ଣାମେଣ୍ଟ ର ଫାଇନାଲ ମ୍ୟାଚ ଆସନ୍ତା କାଲି ଅନୁଗୁଳ ଓ ସମ୍ବଲପୁର ମଧ୍ୟରେ ହେବ | ଆଜିର ଉଭୟ ସେମି ଫାଇନାଲ ମ୍ୟାଚକୁ ଅମ୍ଫାୟର୍ ଭାବେ କୈଳାଶ ସେଠୀ, ଜିତେନ୍ଦ୍ର ତ୍ରିପାଠୀ, ରାଜା ଦାସ୍, ହେମକାନ୍ତ ମେହେର ପରିଚାଳନା କରିଥିଲେ | ଖଗେଶ୍ୱର ମେହେର ସ୍କୋରର୍ ଭୂମିକା ତୁଲାଇଥିଲେ l