ବୌଦ୍ଧ,୮/୨ – ଆଜି ଅପରାନ୍ହ ପ୍ରାୟ 3 ଘଣ୍ଟା ସମୟରେ ବୌଦ୍ଧ – ଧଳପୁର୍ ପୁରୁଣା ଶ୍ରୀ ଜଗନ୍ନାଥ ସଡକର ବଡ଼ ବଙ୍କାପଡା ଛକ ନିକଟରେ ସାଇକେଲକୁ ବାଇକ ଧକ୍କା ଦେବା ଫଳରେ ସାଇକେଲ ଆରୋହୀ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଆଜି ଅପରାନ୍ହ ପ୍ରାୟ 3 ଘଣ୍ଟା ସମୟରେ ବଡ଼ ବଙ୍କାପଡା ଗ୍ରାମର ଯୁଧିଷ୍ଠିର ବେହେରା ( 55 ) କୌଣସି କାମରେ ନିଜ ଗ୍ରାମରୁ ବାହାରି ଛକ ଆଡକୁ ଆସୁଥିବା ବେଳେ କରଡ଼ି ଦିଗରୁ ଆସୁଥିବା ଏକ ବାଇକ ଓ.ଆର. 15 ଆର 4815 ସାଇକେଲକୁ ଧକ୍କା ଦେଇଥିଲା l ଫଳରେ ସାଇକେଲରୁ ଛିଟିକି ପଡି ସେ ଗୁରୁତର ଆହତ ହୋଇଥିଲେ | ଦୁର୍ଘଟଣା ଘଟାଇ ବାଇକକୁ ଛାଡି ବାଇକ ଆରୋହୀ ଦଉଡ଼ି ଦଉଡି ପଳାଉଥିବା ବେଳେ ସ୍ଥାନୀୟ ଲୋକେ ତାଙ୍କୁ ଗୋଡ଼ାଇ ମହାନଦୀ ମଧ୍ୟରୁ ଧରିବାରେ ସଫଳ ହୋଇଥିଲେ | ବୌଦ୍ଧ ଥାନା ପି.ସି. ଆର. ଖବର୍ ପାଇ ଘଟଣା ସ୍ଥଳରେ ପହଂଚି ଆହତଙ୍କୁ ବୌଦ୍ଧ ଡାକ୍ତରଖାନାରେ ଭର୍ତ୍ତି କରିବା ସହ ବାଇକକୁ ଜବତ କରିଛି | ବାଇକ ଆରୋହୀଙ୍କୁ ଅଟକ ରଖିଥିବା ସୁଚନା ମିଳିଛି l