ଫୁଲବାଣୀ,୨୩/୧୧- ଗୋଛାପଡା। ଥାନା ଅନ୍ତର୍ଗତ ନମେରବାଲି ବୁଲାଣୀ ରାସ୍ତାରେ ବାଇକ୍ ସହ ଟ୍ରକ୍ ର ମୁହଁମୁହିଁ ଧକ୍କା ହୋଇଥିଲା । ଘଟଣା ସ୍ଥଳରେ ଦୁଇଜଣ ମୃତ୍ୟୁ ବରଣ କରିଥିବା ବେଳେ ଜଣଙ୍କୁ ଗୁରୁତର ଅବସ୍ଥାରେ ଫୁଲବାଣୀ ମୁଖ୍ୟ ଚିକିତ୍ସାଳୟ ରେ ଭର୍ତି କରାଯାଇଛି l ଯାହା ସୂଚନା ରହିଚି ଫିରିଙ୍ଗିଆ ବ୍ଲକ ର ଲୁଇସିଙ୍ଗ ଗ୍ରାମପଞ୍ଚାୟତ ର ଲାଠିକୁମ୍ପା ଗ୍ରାମର ସୋମନାଥ କହଁର, କମଳୀନୀ କହଁର ଓ ପ୍ରମୋଦ କହଁର ନିଜ ଗ୍ରାମରୁ ଗୋଟିଏ ବାଇକ୍ ରେ ଫୁଲବାଣୀ କୌଣସି କାମରେ ଆସୁଥିଲେ ।ଗୋଛାପଡା ର ନାମେରବାଲି ଘାଟି ର ବୁଲାଣୀ ରାସ୍ତାରେ ସାମନାପଟ ରୁ ଦ୍ରୁତଗତିରେ ଗୋଟଏ ଟ୍ରକ୍ ଆସି ବାଇକକୁ ଧକ୍କା ଦେଇଥିଲା । କମଳୀନୀ କହଁର, ପ୍ରମୋଦ କହଁର ଉପରେ ଟ୍ରକ୍ ଚଢିଯାଇଥିଲା ଯାହାଫଳରେ ଘଟଣା ସ୍ଥଳରେ ଦୁଇଜଣଙ୍କ ମୃତ୍ୟୁଘଟିଥିଲା । କିନ୍ତୁ ସୋମନାଥ କହଁର ମାଡ଼ ହୋଇ ଗୁରୁତର ହୋଇଥିଲେ । ଖବର ପାଇ ଗୋଛାପଡା ପୁଲିସ ଘଟଣା ସ୍ଥଳରେ ପହଞ୍ଚି ଶବକୁ ଉଦ୍ଧାର କରି ବ୍ୟବଚ୍ଛେଦ କରିବାକୁ ପଠାଇବା ସହ ଗୁରୁତର ସୋମନାଥ କୁ ଫୁଲବାଣୀ ମୁଖ୍ୟଚିକିତ୍ସାଳୟ ଭର୍ତ୍ତି କରିଥିଲେ । ଏହି ଘଟଣା ହେବାପରେ ଟ୍ରକ ଡ୍ରାଇଭର ଫେରାର ଅଛି । ଗୋଛାପଡା ପୋଲିସ ଟ୍ରକ୍ କୁ ଜବତ କରି ତଦନ୍ତ ଜାରିରଖିଛି ।