ସୋନପୁର ,୨୦/୧୧- ଗତକାଲି ଅପରାହ୍ନରେ ସୁବର୍ଣ୍ଣପୁର ଜିଲ୍ଲା ଯୁବକଂଗ୍ରେସ ତରଫରୁ ସ୍ଥାନୀୟ କୁଷ୍ଠାଶ୍ରମ ପରିସରରେ ଦେଶର ପ୍ରଥମ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ୧୦୩ତମ ଜୟନ୍ତୀ ପାଳିତ ହୋଇଯାଇଛି। ଯୁବକଂଗ୍ରେସ ସଭାପତି ପ୍ରିୟବ୍ରତ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଜୟନ୍ତୀ ସଭାରେ ଜିଲ୍ଲା କଂଗ୍ରେସ ସଭାପତି ଗୌରିଶ୍ୟାମ ପଣ୍ଡା, ନଗର କଂଗ୍ରେସ ସଭାପତି ସୁଧିର ପଣ୍ଡା ଇନ୍ଦିରା ଗାନ୍ଧୀଙ୍କ ସୃତିଚାରଣ ପୂର୍ବକ ଗଣତାନ୍ତ୍ରିକ ଭାରତ ବର୍ଷରେ ତାଙ୍କର ଦୃଢ଼ ନେତୃତ୍ବ ଯୋଗୁଁ ସେ ସମସ୍ତ ଦେଶବାସୀଙ୍କ ମଧ୍ୟରେ ଆଦୃତି ପାରିଥିଲେ ବୋଲି ମତବ୍ୟକ୍ତ କରିଥିଲେ। ଅନ୍ୟ ମାନଙ୍କ ମଧ୍ୟରେ ବରିଷ୍ଠ କଂଗ୍ରେସ ନେତା ଗୌରି ଶଙ୍କର ମହାପାତ୍ର, ମାଧବ କୁମ୍ଭାର, ବରୁଣ ସୁନା,ସୂର୍ଯ୍ୟ କାନ୍ତି ବାଘ,ରାଜେଶ ମିଶ୍ର, ଶେଷଦେବ ମେହେର, ତରଣୀ ବାରିକ ଧିରୁ ପାତ୍ର,ଗୌର ଥାଟ୍ଟି,ରାଜୁ ମିଶ୍ର ପ୍ରମୁଖ ଯୋଗଦେଇ ଇନ୍ଦିରାଙ୍କ ସୃତିଚାରଣ କରିଥିଲେ । ଏ ଉପଲକ୍ଷେ ଆଶ୍ରମର ଅନ୍ତେବାସୀ ତଥା ସହରରେ ଅସହାୟ ଅବସ୍ଥାରେ ଥିବା ଗରିବ ମାନଙ୍କୁ ଶୀତବସ୍ତ୍ର ଓ ଫଳ ବଣ୍ଟନ କରାଯାଇଥିଲା।