ବୌଦ୍ଧ,୫/୧- ଆଜି ସନ୍ଧ୍ୟା ପ୍ରାୟ ୫ ଘଣ୍ଟା ସମୟରେ ମନମୁଣ୍ଡା ଥାନା ଗୁଡଭେଲିପଦର ନିକଟରେ ସାଇକେଲକୁ ଗୋଟିଏ ବାଇକ ଧକ୍କା ଦେବା ଫଳରେ ୩ ଜଣ ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଆଜି ସନ୍ଧ୍ୟା ପ୍ରାୟ ୫ଘଣ୍ଟା ସମୟରେ ମନମୁଣ୍ଡା – ଶଗଡା ରାସ୍ତାର ଗୁଡଭେଲିପଦର ଗ୍ରାମ ନିକଟରେ ରାସ୍ତାରେ ଯାଉଥିବା ଏକ ସାଇକେଲକୁ ଗୋଟିଏ ବାଇକ ଓଡ଼ି ୩୧ଜି ୮୪୫୫ଧକ୍କା ଦେଇଥିଲା l ଫଳରେ ସାଇକେଲ ଆରୋହୀ ଥିବା ଗୋଛାପଡା ଓ ବିଳାସପୁର୍ ଗ୍ରାମର ଦୁଇ ଜଣ ବ୍ୟକ୍ତି ଆହତ ହୋଇଥିଲେ | ସେହିପରି ବାଇକ ଚାଳକ ସମୀର ଭଇନା ମଧ୍ୟ ଗୁରୁତର ଆହତ ହୋଇଥିଲେ | ବାଇକ ଆରୋହୀଙ୍କୁ ୧୦୮ ଆମ୍ବୁଲାନସ୍ ଯୋଗେ ମନମୁଣ୍ଡା ଡାକ୍ତରଖାନାରେ ଭର୍ତ୍ତି କରାଯାଇଥିଲା | ତାଙ୍କର ଗୋଡରେ ଗଭୀର ଆଘାତ ଲାଗିଥିବା ଜଣାପଡିଛି l ପ୍ରାଥମିକ ଚିକିତ୍ସା ପରେ ତାଙ୍କୁ ଛାଡି ଦେଇଥିବା ଜଣା ପଡିଛି l