ଦୁର୍ଘଟଣାରେ ଆହତ ଯୁବକଙ୍କ ବୁର୍ଲା ନେବା ବେଳେ ବାଟରେ ମୃତ୍ୟୁ

ବୌଦ୍ଧ / ବାଉଁଶୁଣୀ,୪/୨ – ଗତକାଲି ସନ୍ଧ୍ୟାରେ ବାଉଁଶୁଣୀ ଥାନା ସାହାଜପାଲ୍ ନିକଟ କନକପୁର ଛକରେ ବାଇକ ଧକ୍କାରେ ଗୁରୁତର ଆହତ ହୋଇଥିବା ସିଦ୍ଧପୁର ଗ୍ରାମର ଗୁରୁ ସାହୁଙ୍କ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର ବେଳେ ବାଟରେ ମୃତ୍ୟୁ ହୋଇ ଯାଇଥିବା ଜଣାପଡିଛି l
ଏଠାରେ ଉଲ୍ଲେଖଯୋଗ୍ୟ ଯେ ଗତକାଲି ସନ୍ଧ୍ୟାରେ ଜାତୀୟ ରାଜପଥ ନମ୍ବର 57ର ବାଉଁଶୁଣି ଥାନା ସାହାଜପାଲ୍ ନିକଟ କନକପୁର ଛକରେ ଚାଲି ଚାଲି ଯାଉଥିବା ନିକଟସ୍ଥ ସିଦ୍ଧପୁର ଗ୍ରାମର ଗୁରୁ ସାହୁ (35) ଙ୍କୁ ଏକ ବାଇକ ଧକ୍କା ଦେଇଥିଲା l ସୁପର ସ୍ପ୍ଲେଣ୍ଡର ବାଇକ ଓଡ଼ି 27 ଏ 6898 ପୁରୁଣା ଜଗତି ଗ୍ରାମର ବୋଲି ଜଣା ପଡିଛି l ଖବର୍ ପାଇ ବାଉଁଶୁଣି ଦମକଳ ବାହିନୀ ପହଂଚି ବାଉଁଶୁଣି ଡାକ୍ତର ଖାନା ନେଇଥିଲା l ତାଙ୍କର ଅବସ୍ଥା ଗୁରୁତର ଥିବାରୁ ତାଙ୍କୁ ଡାକ୍ତରଙ୍କ ପରାମର୍ଶ କ୍ରମେ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା | ପରିବାର ବର୍ଗ ଆମ୍ବୁଲାନସ୍ ଯୋଗେ ତାଙ୍କୁ ବୁର୍ଲା ନେଉଥିବା ବେଳେ ବୁର୍ଲାକୁ ପହଞ୍ଚିବା ପୁର୍ବରୁ ବାଟରେ ସେ ମ୍ରୁତ୍ୟୁ ବରଣ କରିଥିଲେ | ମୃତ ଗୁରୁ ସାହୁ ଜଣେ ଗରୀବ ଲୋକ ଥିଲେ ଓ ବାଉଁଶୁଣୀ ଛକରେ ଥିବା ଲାଲା ହୋଟେଲ ରେ ଜଳଖିଆ ମିସ୍ତ୍ରୀ ଭାବେ କାର୍ଯ୍ୟ କରି ପରିବାର ଚଳାଉ ଥିଲେ l ଗତକାଲି ହୋଟେଲ କାମ ସାରି ବସ୍ ଯୋଗେ ସାହାଜପାଲ୍ ଯାଇ ସେଠାରୁ ଚାଲି ଚାଲି ନିଜ ଗ୍ରାମ ସିଦ୍ଧପୁରକୁ ଯାଉଥିବା ବେଳେ କନକପୁର ଛକରେ ବାଇକ ଧକ୍କାରେ ଗୁରୁତର ଆହତ ହୋଇଥିଲେ | ସେ ପରିବାରର ଜଣେ ମାତ୍ର ଉପାର୍ଜନ କ୍ଷମ ବ୍ୟକ୍ତି ଥିବାରୁ ତାଙ୍କର ମୃତ୍ୟୁରେ ପରିବାର ଲୋକେ ସମ୍ପୁର୍ଣ୍ଣ ଭାଙ୍ଗି ପଡିଛନ୍ତି l