ବୌଦ୍ଧ,୧୦/୧ – କଣ୍ଟାମାଳ ବ୍ଲକ ରୁଣ୍ଡିମହୁଲ ପଂଚାୟତ ଟାଙ୍ଗିଆପାଲି ଗାଁ ରେ ଦୀର୍ଘ ଏକ ସପ୍ତାହ ବ୍ୟାପି ଚାଲିଥିବା ମା ମହାଲକ୍ଷ୍ମୀ ନାରାୟଣୀ କ୍ରିକେଟ ଟୁର୍ନାମେଣ୍ଟ ଉଦଯାପିତ ହୋଇ ଯାଇଛି | ଫାଇନାଲ ମ୍ୟାଚରେ ମୁଖ୍ୟ ଅତିଥି ଭାବରେ ବରିଷ୍ଠ ସମାଜ ସେବୀ ତଥା ବିଜେଡି ଜିଲ୍ଲା ଉପ ସଭାପତି ସାରଦୁଲ ନାଗ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ | ଅନ୍ୟତମ ଅତିଥି ଭାବରେ ରାଧା ବଲ୍ଲଭ ପ୍ରଧାନ, ସୁଧୀର ଖଟୁଆ, ପଞ୍ଚାନନ ସାହୁ ଏବଂ ଶ୍ରୀଯୁକ୍ତ ସନ୍ତୋଷ ଦନ୍ତା ଉପସ୍ଥିତ ଥିଲେ l ଆମ୍ପାୟର୍ ଭାବେ ରଘୁନାଥ ଦନ୍ତା ଏବଂ ସୁଜିତ ପ୍ରଧାନ ଖେଳ ପରିଚାଳନା କରିଥିଲେ | ସ୍କୋରର ସୁବାଷ ଦନ୍ତା ଏବଂ ଅଜିତ କୁମାର ବାଘ ଓ ସୁଧାଂଶୁ ଶେଖର ମହାକୁର ଧାରା ବିବରଣୀ ପ୍ରଦାନ କରିଥିଲେ | ଦମlମୁଣ୍ଡl ଏବଂ ଯୋଗୀନ୍ଦ୍ରପୁର ମଧ୍ୟରେ ତିନି ଫର୍ମାଟ ବିଶିଷ୍ଟ ମ୍ୟାଚ ଖେଳା ଯାଇଥିଲା l ଏଥିରେ ପ୍ରଥମ ଦଶ ଓଭର ମ୍ୟାଚ ରେ ଦମାମୁଣ୍ଡା ବିଜୟୀ ହୋଇଥିଲା ଏବଂ ଦ୍ୱିତୀୟ/ ତୃତୀୟ ଫର୍ମାଟ ରେ ଯୋଗୀନ୍ଦ୍ରପୁର ବିଜୟୀ ହୋଇ ଫାଇନାଲ ମ୍ୟାଚ ଜିତି ନେଇଥିଲା l