ବୌଦ୍ଧ/ବାଉଁଶୁଣୀ,୨/୨-ବୌଦ୍ଧ ବାଉଁଶୁଣୀ ଥାନା ୫୭ ନମ୍ବର ଜାତୀୟ ରାଜପଥ ସଦେଇପୁର ଛକ ନିକଟରେ ବାଇକ ଦୁର୍ଘଟଣାରେ ୨ଜଣ ଗୁରୁତର ଆହତ ହୋଇଛନ୍ତି ।ଗୁରୁତର ଯୁବକ ହେଲେ ଗୋଛାପଡା ପଞ୍ଚାୟତ ମଲିକପଡା ଗ୍ରାମର ସନ୍ତୋଷ ଜାନି(୩୨) ଓ ପ୍ରଶାନ୍ତ ଜାନି (୩୬) ବୋଲି ଜଣାପଡିଛି ।ଉଭୟେ ବୌଦ୍ଧ ରୁ ନିଜ ଘରକୁ ଫେରିବା ସମୟରେ ଦୁର୍ଘଟଣା ଘଟିଛି ବୋଲି ଜଣାପଡିଛି । ବାଉଁଶୁଣୀ ଦମକଳବାହିନୀ ଗୁରୁତର ଯୁବକଙ୍କୁ ଉଦ୍ଧାର କରି ବାଉଁଶୁଣୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ଭର୍ତ୍ତି କରିଥିଲେ । ଘଟଣାସ୍ଥଳରେ ବାଉଁଶୁଣୀ ପୋଲିସ ପହଞ୍ଚି ଘଟଣା ଅନୁଧ୍ୟାନ କରୁଛି ।