ବାଲିଗୁଡ଼ା/ଦାରିଙ୍ଗବାଡ଼ି,୧/୧୧: କନ୍ଧମାଳ ଜିଲ୍ଲା ବ୍ରାହ୍ମଣି ଗାଁ ଥାନା ମେରାମାହା ଅଞ୍ଚଳରେ ଜୁଆ ଆଡ୍ଡାରେ ଚଢ଼ାଉ ବେଳେ ପୋଲିସ ଉପରକୁ ଆକ୍ରମଣସହ , ଗାଡ଼ି ଭଙ୍ଗାରୁଜା । ମିଳିଥିବା ଖବର ଅନୁଯାୟୀ ଗତକାଲି ରାତିରେ ବ୍ରାହ୍ମଣୀଗାଁ ଥାନା ମେରାମାହା ଅଞ୍ଚଳରେ ବଡ଼ ଧରଣର ଜୁଆଖେଳ ଚାଲିଥିବା ଖବରପାଇ ଥାନା ଭାରପ୍ରାପ୍ତ ଅଧିକାରୀ ରଞ୍ଜିତ କୁମାର ମୁନି ନିଜ ଟିମ୍ ସହ ସମ୍ପୃକ୍ତ ଅଞ୍ଚଳରେ ଚଢ଼ାଉ କରିବାପାଇଁ ଯାଇଥିଲେ । ପୋଲିସକୁ ଦେଖି ଯୁଆଡିମାନେ ପ୍ରଥମେ ଫେରାର ହୋଇଯାଇଥିଲେ । ଏହାପରେ ପେଟ୍ରୋଲିଂ ସାରି ଫେରିବା ସମୟରେ ରାସ୍ତା ରେ କାଠ ପକାଇ ଅବରୋଧ କରିଥିଲେ ଲୋକେ । ଟିମ୍ ସଦସ୍ୟ ରାସ୍ତାରୁ କାଠ ହଟାଇବା ସମୟରେ ବାଟୁଳିଖଡା ସାହାଯ୍ୟରେ ପୋଲିସ ଉପରକୁ ସମ୍ପୃକ୍ତ ଲୋକେ ଆକ୍ରମଣ କରିଥିବା ଜଣାପଡିଛି । ଘଟଣାରେ ପୋଲିସ ଗାଡ଼ି ଭାଙ୍ଗିବା ସହ ପୋଲିସ କର୍ମଚାରୀ ଆହତ ହୋଇଥିବା ଜଣାପଡ଼ିଛି ଘଟିଥିବା ସୂଚନା । ଘଟଣାରେ ୬ ଜଣକୁ ଗିରଫ କରି ତଦନ୍ତ ଜାରି ରଖିଛି ପୋଲିସ୍ ।