ଗ୍ରୀଲ୍ ଖୋଲି ଘରେ ପଶି କଳାକନା ବୁଲାଇଲେ ଡକାୟତ

ବୌଦ୍ଧ,୮/୩ – ବୌଦ୍ଧଜିଲ୍ଲା ହରଭଙ୍ଗାବ୍ଲକ ପୁରୁଣାକଟକର ମାରୁତି ନଗରରେ ରହୁଥିବା ବ୍ୟବସାୟୀ ସନ୍ତୋଷ ସାହୁଙ୍କ ଘରୁ ଗତକାଲି ରାତିରେ ଡକାୟତି ହୋଇଛି, ସନ୍ତୋଷ ସାହୁ ଏବଂ ତାଙ୍କ ପରିବାର ଏକ ବ୍ୟକ୍ତିଗତ କାର୍ଯ୍ୟରେ କଟକ ଯାଇଥିବା ବେଳେ ,ଘରେ ତାଙ୍କ ଅନୁପସ୍ଥିତ ସୁଯୋଗ ନେଇ ଡକାୟତ ଦଳ ବାଡ଼ିପଟ ଝରକା ଗ୍ରୀଲ ଭାଙ୍ଗି ଘରେ ପ୍ରବେଶ କରି ଆଲମିରା ଲକର ଭାଙ୍ଗି ତିନି ଭରି ସୁନା ଏବଂ କୋଡିଏ ହଜାର ନଗଦ ଟଙ୍କା ଚୋରି କରି ଫେରାର ହେଇଛନ୍ତି l ସନ୍ତୋଷ ସାହୁ ରାତି ଗୋଟାଏରେ ବସରେ ପରିବାର ସହ ପହଞ୍ଚିବା ପରେ କବାଟ ଭଙ୍ଗା ଯାଇ ଚୋରି ହେଇଥିବାର ସୂଚନା ପାଇ ପୁରୁଣାକଟକ ପୋଲିସକୁ ଖବର ଦେଇଥିଲେ l ରାତିରେ ପୋଲିସ ପହଂଚି ଘଟଣା ସମ୍ପର୍କରେ ଅନୁସନ୍ଧାନ କରି ଥିବା ବେଳେ ଆଜି ସନ୍ଧାନୀ କୁକୁର ଆଣି ଘଟଣାର ଅନୁସନ୍ଧାନ କରାଯିବ ବୋଲି ସୁଚନା ମିଳିଛି l ପୁରୁଣାକଟକ ଅଂଚଳରେ ଦିନକୁ ଦିନ ଚୋରି ଡକାୟତି ବୃଦ୍ଧି ପାଉଥିବାରୁ ବୁଦ୍ଧିଜୀବୀ ମହଲରେ ଅସନ୍ତୋଷ ଦେଖାଯାଇଛି l ଘରୋଇ ମିସ୍ତ୍ରୀ କାମ, କବାଡି ଵାଲା, ଗୁପଚୁପ ବାଦାମ ବେପାର ନାଁ ରେ ଅଣ ଓଡିଆ ଲୋକଙ୍କ ଗତିବିଧି ଏଠାରେ ବଢୁଛି, ବହୁ ସଂଖ୍ୟାରେ ଅଜଣା ଲୋକମାନେ ଆସି ଘରଭଡ଼ାରେ ଏଠି ରହି ଅସାମାଜିକ କାର୍ଯ୍ୟରେ ଲିପ୍ତ ରହୁଥିବା ସନ୍ଦେହ ହେଉଛି | ଏଣୁ ପୁରୁଣାକଟକ ଠାରେ ପେଟ୍ରୋଲିଂ କଡାକଡି କରାଯିବା ସହ ଅଣଓଡ଼ିଆ ଲୋକଙ୍କ ଗତିବିଧି ଉପରେ ପୋଲିସ ନଜର ରଖିବାକୁ ଜନସାଧାରଣରେ ଦାବୀ ହେଉଛି |