ବୌଦ୍ଧ,୨୧/୮ – ଆଜି ସନ୍ଧ୍ୟା ୭ଘଣ୍ଟା ସମୟରେ ମନମୁଣ୍ଡା -କଣ୍ଟାମାଳ ରାସ୍ତାର ଖଟଖଟିଆରୁ ଜାଲପାଲି ମଝିରେ ସାଇକେଲ ଓ ବାଇକ ମଧ୍ୟରେ ଧକ୍କା ହେବାରୁ ୩ ଜଣ ଗୁରୁତର ଆହତ ହୋଇଥିବା ଜଣାପଡିଛି l
ମିଳିଥିବା ସୂଚନା ଅନୁଯାୟୀ ଆଜି ସନ୍ଧ୍ୟା ପ୍ରାୟ ୭ଘଣ୍ଟା ସମୟରେ କଣ୍ଟାମାଳ ଠାରୁ ସୋନପୁର ଅଭିମୁଖେ ଏକ ବାଇକ ଯୋଗେ ସୋନପୁର ଜିଲ୍ଲା ଗଇଳଗୁଡ଼ି ଗ୍ରାମର ସତ୍ୟ ନାରାୟଣ ଭୋଇ ଓ ଯତୀନ ଭୋଇ ଆସୁଥିବା ବେଳେ ଖଟଖଟିଆ ନିକଟରେ ଏକ ସାଇକଲ ସହ ଧକ୍କା ହୋଇଥିଲା | ଫଳରେ ଦୁଇ ଜଣ ବାଇକ ଆରୋହୀ ସମେତ ବାନ୍ଧନ ଝୁଲି ଗ୍ରାମର ସାଇକେଲ ଆରୋହୀ ଗୁରୁତର ଆହତ ହୋଇଥିଲେ l ବାଇକର ହେଡ ଲାଇଟ ଜଳୁନଥିବାରୁ ଦୁର୍ଘଟଣା ଘଟିଥିବା ସୂଚନା ମିଳିଛି l ଅତି ଗୁରୁତର ବାଇକ ଆରୋହୀଙ୍କୁ ଉଦ୍ଧାର କରି ଡାକ୍ତରଖାନା ସ୍ଥାନିୟ ଲୋକେ ପଠାଇ ଥିଲେ l