ବୌଦ୍ଧ,୪/୨- ଚାରିଛକ୍ – ହରଭଙ୍ଗା ରାସ୍ତାର ଭାଲିଆଗୁଡା ଛକ ନିକଟରେ ଗତକାଲି ସନ୍ଧ୍ୟାରେ ଏକ ଟାଟା ସୁମୋ ସହ ବାଇକର ଧକ୍କା ହେବା ଫଳରେ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ହରଭଙ୍ଗା ଗ୍ରାମର ମୋହନ କୁମାର୍ (32) କୌଣସି କାମରେ ଚାରିଛକ୍ ଯାଇ ବାଇକ ଓଡ଼ି 27 ଏ 0668 ଯୋଗେ ଘରକୁ ସନ୍ଧ୍ୟାରେ ଫେରୁଥିଲେ l ହରଭଙ୍ଗା ଥାନା ଭାଲିଆଗୁଡା ଛକ ନିକଟରେ ବିପରିତ ଦିଗରୁ ଆସୁଥିବା ଏକ ଟାଟା ସୁମୋ ଓଡ଼ି 02 ଡି 2038 ତାଙ୍କ ବାଇକକୁ ଧକ୍କା ଦେଇଥିଲା l ଫଳରେ ମୋହନଙ୍କ ମୁଣ୍ଡ ଓ ଗୋଡରେ ଗଭୀର ଆଘାତ ହୋଇ ଗୁରୁତର ଆହତ ହୋଇଥିଲେ | ଖବର୍ ପାଇ ହରଭଙ୍ଗା ଥାନା ଅଧିକାରୀ ସୁବ୍ରମନିଅମ ପ୍ରଧାନ ଘଟଣା ସ୍ଥଳରେ ପହଂଚି ଗୁରୁତର ଆହତଙ୍କୁ ହରଭଙ୍ଗା ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ତାଙ୍କ ଅବସ୍ଥା ଗୁରୁତର ଥିବାରୁ ପରେ ବୌଦ୍ଧ ଡାକ୍ତରଖାନାରେ ଓ ଶେଷରେ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି l ମୋହନ ଜଣେ କ୍ରୀଡା ପ୍ରେମୀ ଥିଲେ ଓ ସେ ଭଲ କ୍ରିକେଟ ଖେଳୁଥିଲେ ବୋଲି ସ୍ଥାନୀୟ ଲୋକଙ୍କ ସୂତ୍ରରୁ ପ୍ରକାଶ l