ବୌଦ୍ଧ/ ବାଉଁଶୁଣି,୩/୧୧ – ଗତ ବିଳମ୍ବିତ ରାତିରେ ରାସ୍ତା କଡରେ ରହିଥିବା ଗୋଟିଏ ମିକ୍ସର ମେସିନକୁ ପଛ ପାଖରୁ ଧକ୍କା ଦେଇ ଜଣେ ବାଇକ ଆରୋହୀ ଗୁରୁତର ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଜାତୀୟ ରାଜପଥ ନମ୍ବର୍ 57 ର ବlଉଁଶୁଣି ନିକଟରେ ରାସ୍ତା କଡରେ ରହିଥିବା ଗୋଟିଏ ମିକ୍ସର ମେସିନର ପଛ ପାଖରେ ଧକ୍କା ଦେଇ ମନମୁଣ୍ଡା ଥାନା ସାହୁ ପଡl ଗ୍ରାମର ବାଇକ ଆରୋହୀ କୌଶିକ ପ୍ରଧାନ ଗୁରୁତର ଆହତ ହୋଇଛନ୍ତି | ସେ କୌଣସି କାମରେ ରେଢାଖୋଲ ଯାଇ ରାତି ପ୍ରାୟ 12 ଘଣ୍ଟା ସମୟରେ ନିଜ ଘର ସାହୁପଡା ଫେରୁଥିବା ବେଳେ ରାସ୍ତା କଡରେ ଥିବା ମିକ୍ସର ମେସିନ୍ କୁ ପଛ ପାଖରୁ ଧକ୍କା ଦେଇ ଥିଲେ l ଖବର ପାଇ ବlଉଁଶୁଣି ଦମକଳ ବାହିନୀ ତାଙ୍କୁ ଉଦ୍ଧାର କରି ବlଉଁଶୁଣିରୁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା l ତାଙ୍କର ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି l