ବୌଦ୍ଧ,୧୪/୨ – କଣ୍ଟାମାଳ ବ୍ଲକ ମନମୁଣ୍ଡା ନିକଟ ଦେଉଳି ଗ୍ରାମ ନିକଟରେ ଏକକାଳୀନ 4ଟି ବାଇକ ମଧ୍ୟରେ ଧକ୍କା ହୋଇ ଦୁର୍ଘଟଣା ହେବାରୁ 7 ଜଣ ଆହତ ହେବା ସହ ଜଣେ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୁଚନା ଅନୁଯାୟୀ ଆଜି ଅପରାନ୍ହ ସମୟରେ ମନମୁଣ୍ଡା – କଣ୍ଟାମାଳ ରାସ୍ତାର ଦେଉଳି ଗ୍ରାମ ନିକଟରେ ସୋନପୁରରୁ କଣ୍ଟାମାଳ ଆଡ଼କୁ ଯାଉଥିବା 2 ବାଇକ ସହ ବିପରିତ ଦିଗରୁ ଆସୁଥିବା ଅନ୍ୟ ଦୁଇ ବାଇକ ସହ ମୁହାମୁହିଁ ଧକ୍କା ହେବା ଫଳରେ ପ୍ରତି ବାଇକର ଦୁଇ ଜଣ ଲେଖାଏଁ ଆରୋହୀ ଆହତ ହୋଇଛନ୍ତି | ଜଣେ ଆରୋହୀ ଗୁରୁତର ଆହତ ହୋଇଥିବା ଜଣା ପଡିଛି l ମନମୁଣ୍ଡା ପୋଲିସ୍ ଘଟଣା ସ୍ଥଳରେ ପହଂଚି ଦୁର୍ଘଟଣାର ତଦନ୍ତ କରୁଥିବା ଜଣାପଡିଛି l