ବୌଦ୍ଧ,୨୨/୧ – ବୌଦ୍ଧଜିଲ୍ଲା ହରଭଙ୍ଗା ବ୍ଲକ ମଥୁରା ଗ୍ରାମ ପଞ୍ଚାୟତ କେଳାକଟା ଗ୍ରାମରେ ଭୀମ ପାହାଡ କ୍ରିକେଟ୍ କ୍ଲବ୍ ପକ୍ଷରୁ ଭୀମ ପାହାଡ କ୍ରିକେଟ୍ ଟୁର୍ଣ୍ଣାମେଣ୍ଟ ଆଜି ଉଦ୍ଘାଟିତ ହୋଇ ଯାଇଛି | ଆଜିର ଉଦଘାଟନୀ ଅବସରରେ ଅତିଥି ଭାବେ ମଥୁରା ଗ୍ରାମ ପଞ୍ଚାୟତର ନାଏବ୍ ସରପଞ୍ଚ ନିର୍ଗୁଣ ମହାକୁଡ଼, ଗ୍ରାମ ରୋଜଗାର ସେବକ ଅଶୋକ କୁମାର ସାହୁ, ଯୋଗାଣ ସହାୟକ ସୁଶାନ୍ତ ପ୍ରଧାନ ଯୋଗ ଦେଇଥିଲେ | 10 ଓଭର ବିଶିଷ୍ଟ ପ୍ରଥମ ମ୍ୟାଚରେ ମଥୁରା କ୍ରିକେଟ ଟିମ୍ 86 ରନ୍ କରିଥିବା ବେଳେ ବ୍ଲୁ ଷ୍ଟାର୍ ଟିମ୍ 87 ରନ୍ କରି ବିଜୟୀ ହୋଇଥିଲା | ଦ୍ବିତୀୟ ମ୍ୟାଚ୍ 12 ଓଭର ବିଶିଷ୍ଟ ଓ ବାଗବର୍ ଟିମ୍ 93 ରନ୍ ସଂଗ୍ରହ କରିଥିଲା l ତାକୁ ପିଛା କରି ବୀରରାମଚନ୍ଦ୍ରପୁର୍ ଟିମ୍ 94 ରନ୍ କରି ବିଜୟୀ ହୋଇଥିଲା | ଆମ୍ପାୟର୍ ଭାବେ ଉଭୟ ମ୍ୟାଚ ରେ ଯଥା କ୍ରମେ ସଂଜୀବ ପ୍ରଧାନ ଓ ପ୍ରଦୋଷ ପ୍ରଧାନ ଏବଂ ଆଦିତ୍ୟ ପ୍ରଧାନ ଓ ସିକୁ ମହାକୁଡ଼ ରହିଥିଲେ l ବେଦବର୍ ଜାଲ୍ ଓ ମକରନ୍ଦ ବାଘ ଧାରା ବିବରଣୀ ପ୍ରଦାନ କରିଥିଲେ l