ବୌଦ୍ଧ/ଜହ୍ନାପଙ୍କ,୨୩/୬- ଆଜି ଭୋର ପ୍ରାୟ ୫ ଟାବେଳେ ଏକ କାର୍ ଜାତୀୟ ରାଜପଥ ୫୭ ର ଜହ୍ନାପଙ୍କ କେନାଲ ପୋଲ ନିକଟରେ ଭାରସାମ୍ୟ ହରାଇ ବାମ ପାର୍ଶ୍ୱରେ ଥିବା ଗଛରେ ପିଟି ହୋଇ ଓଲଟି ପଡିଥିଲା। ଏଥିରେ ଗୋଟିଏ ପରିବାରର ବସିଥିବା ୫ ଜଣଙ୍କ ମଧ୍ୟରୁ ୨ ଜଣ ଆହତ ହୋଇଛନ୍ତି।ଆହତ ଦ୍ବୟ ହେଲେ ସୁନିଲ ଦାସ (୨୯) ଓ ଦୁର୍ଗା ଚରଣ ଦାସ(୫୦)।ଆହତଦ୍ବୟ ବୌଦ୍ଧ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ସୂଚନାଯୋଗ୍ୟ ଯେ ଭୁବନେଶ୍ୱରରୁ ଏକ ମାରୁତି ସ୍ବିଫ୍ଟ କାର ନଂ ଓଡ଼ି ୧୪/ଇ-୧୯୨୦ ଏହି ପରିବାର ନିଜ ଘର ନବରଙ୍ଗପୁର ଯାଉଥିବା ବେଳେ ଗାଡି ଚଲାଉଥିବା ଅନୀଲ ଦାସଙ୍କ ଆଖି ଲାଗିଯିବାରୁ ଏହି ଦୁର୍ଘଟଣା ଘଟିଥିଲା। ଜହ୍ନାପଙ୍କ ଫାଣ୍ଡି ଏ ଏସ୍ ଆଇ ସୁବାଷ ଚନ୍ଦ୍ର ମିଶ୍ର ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛନ୍ତି।