ପାରଳାଖେମୁଣ୍ଡି : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ସ୍ଥାନୀୟ ସ୍ନାତକ ମହିଳା ମହା ବିଦ୍ୟାଳୟ ପରିସରରେ ଛାତ୍ରୀ ମାନଙ୍କ ଦ୍ୱାରା ପବିତ୍ର ଗୁରୁ ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ମହା ବିଦ୍ୟାଳୟର ଅଧ୍ୟକ୍ଷା ଓ ସମସ୍ତ ଅଧ୍ୟାପିକାଙ୍କୁ ଛାତ୍ରୀମାନେ ଗୁରୁ ପୂଜନ କରି ଏହି ଦିବସର ମହତ୍ତ୍ୱ ସମ୍ପର୍କରେ ନିଜର ମତ ଦେଇଥିଲେ । ବିଶେଷ କରି ଭାରତର ପ୍ରାକ୍ତନ ରାଷ୍ଟ୍ରପତି ଡକ୍ଟର ସର୍ବପଲ୍ଲୀ ରାଧା କ୍ରୀଷ୍ଣନଙ୍କ ଜୀବନ ଚରିତ୍ର ସମ୍ପର୍କରେ ଆଲୋଚନା କରିଥିଲେ ଓ ଛାତ୍ରୀ ମାନଙ୍କୁ ଉଦବୋଧନ ଦେଇ ଭଲ ପାଠ ପଢିବା ସହ ଉତ୍ତମ ମଣିଷ ଟିଏ ହୋଇ ସମାଜକୁ ସୁସ୍ଥ ବାର୍ତ୍ତା ଦେବା ସହ ଚରିତ୍ରବାନ୍ ହେବା ଆବଶ୍ୟକ ପଦକ୍ଷେପ ବୁଝାଇ ଥିଲେ । ସେହିଭଳି ଅଧ୍ୟାପିକା ଡକ୍ଟର ଭାରତୀ ପାଣିଗ୍ରାହୀ, ଡକ୍ଟର କଲ୍ୟାଣି ମିଶ୍ର, ମଧୁସ୍ମିତା ପ୍ରଧାନ ପ୍ରମୁଖ ନିଜର ବକ୍ତବ୍ୟ ରଖିଥିଲେ । କୁମାରୀ ପ୍ରଗତି କରଡ଼ା, କ୍ରୀଷ୍ଣା ଶବର, ସୋନିଆ ଶବର, ଆର. ପ୍ରୀତି, ଡିଲେଶ୍ୱରି, ପ୍ରସିଦ୍ଧା, ବର୍ଷା ରାଣୀ, ତପସ୍ୱୀନି, ସୁଭଦ୍ରାଙ୍ଗୀ ପ୍ରମୁଖ ନିଜର ବକ୍ତବ୍ୟ ପ୍ରଦାନ କରିଥିଲେ । ଶେଷରେ ଛାତ୍ରୀମାନଙ୍କ ଦ୍ୱାରା ମନୋରଞ୍ଜନ କାର୍ଯ୍ୟକ୍ରମ ପରିବେଷଣ କରିଥିଲେ ।