ଭୁବନେଶ୍ୱର : ଖୋର୍ଦ୍ଧା-ଜଟଣୀ ରାସ୍ତା ଚିନ୍ତାମଣିନଗର ରାସ୍ତାକଡ ବୁଦାମୂଳରୁ ଆଜି ପୁଣି ଗୋଟିଏ ନବଜାତ ଶିଶୁପୁତ୍ର ମିଳିଛି । ରାସ୍ତାରେ ଯାଉଥିବା ସ୍ଥାନୀୟ ଲୋକେ ଶିଶୁପୁତ୍ର କାନ୍ଦ ଶୁଣି ଜଟଣୀ ପୁଲିସକୁ ଖବର ଦେଇଥିଲେ । ଜଟଣୀ ପୁଲିସ ଘଟଣା ସ୍ଥଳରେ ପହଞ୍ଚି ସଦ୍ୟ ପ୍ରସବ ହୋଇଥିବା ଶିଶୁପୁତ୍ରଟିକୁ ଅତି ଯତ୍ନରେ ଉଦ୍ଧାର କରି ଚାଇଲ୍ଡ ଲାଇନକୁ ହସ୍ତାନ୍ତର କରିଛନ୍ତି । ତେବେ କିଏ କାହିଁକି ଶିଶୁପୁତ୍ରଟିକୁ ରାସ୍ତାକଡରେ ଫିଙ୍ଗି ଦେଇଗଲା ତାହା ସ୍ପଷ୍ଟ ହୋଇନଥିବା ବେଳେ ନିକଟସ୍ଥ ହଷ୍ଟେଲ ଅଂଚଳରୁ କେହି କୁଆଁରୀ ମାଆ ଏହା ଘଟାଇଥାଇପାରନ୍ତି ବୋଲି ସ୍ଥାନୀୟ ଲୋକେ ଆଲୋଚନା କରୁଛନ୍ତି ।