ଦାରିଙ୍ଗବାଡି ୧୫/୭: ଦାରିଙ୍ଗବାଡି ବ୍ଲକ ତିଲୋରୀ ପଞ୍ଚାୟତ ଉପରସାହିରେ ଗତକାଲି ରାତିରେ ନିଆଁଲାଗି ଗ୍ରାମର ଗୋରେଖ ନାୟକଙ୍କ ଘର ପୋଡ଼ିଯାଇଥିଲା । ଏହି ଘଟଣା ସମ୍ପର୍କରେ ସ୍ଥାନୀୟ ବିଡିଓ ଅଭିମନ୍ୟୁ ବେହେରା ଖବରପାଇବା ପରେ ତୁରନ୍ତ ତିଲୋରୀ ଗ୍ରାମରେ ପହଂଚି ଅଗ୍ନି ବିପନ୍ନ ଗୋରେଖଙ୍କ ସମସ୍ୟା ବୁଝିବା ସହିତ ଚାଉଳ, ଡାଲି, ଲୁଗା ଇତ୍ୟାଦି ଅତ୍ୟାବଶ୍ୟକ ସାମଗ୍ରୀ ପ୍ରଦାନ କରିଛନ୍ତି । ଏଥି ସହିତ ବୁଡାଗୁଡା ରାଜସ୍ୱ ନିରୀକ୍ଷକଙ୍କ ତଦନ୍ତ ରିପୋର୍ଟ ମିଳିବା ପରେ ସରକାରୀ ସହାୟତା ଯୋଗାଇଦେବାକୁ ପ୍ରତିଶୃତି ଦେଇଛନ୍ତି ବିଡିଓ ଶ୍ରୀ ଅଭିମନ୍ୟୁ ବେହେରା । ବିଡିଓଙ୍କ ଗସ୍ତ ସମୟରେ କନିଷ୍ଠ ଯନ୍ତ୍ରୀ ତୁଷାର ରଞ୍ଜନ ସେଠୀ, ପଞ୍ଚାୟତ ନିର୍ବାହୀ ଅଧିକାରୀ ଘନ ଶ୍ୟାମ ବେହେରାଙ୍କ ସମେତ ବିଭାଗୀୟ କର୍ମଚାରୀ ଉପସ୍ଥିତ ରହିଥିଲେ ।