ସୋନପୁର : ଜିଲ୍ଲାର ବିଭିନ୍ନ ବ୍ଲକ ଅଂଚଳରେ କରୋନା ଆକ୍ରାନ୍ତ ଙ୍କ ସଂଖ୍ୟା ୨୯ ରେ ପହଞ୍ଚିଛି । ଆଜି ଗୋଟିଏ ଦିନରେ ୩ଜଣଙ୍କ ରିପୋର୍ଟ ପଜିଟିଭ ଆସିଛି । ଜିଲ୍ଲା ସ୍ୱାସ୍ଥ୍ୟ ବିଭାଗ ର ସୂଚନା ମତେ ଉକ୍ତ ୩ଜଣ ସମସ୍ତେ ଡୁଙ୍ଗୁରିପାଲି ବ୍ଲକ ଅଂଚଳର । ଗତ ୨ ଦିନ ତଳେ ଉକ୍ତ ବ୍ଲକର ଲିଙ୍ଗମାର୍ଣି ପଂଚାୟତର ଲୁଡକିବେଡ଼ । ଅଂଚଳର ଜଣେ ତାମିଲନାଡୁ ଫେରନ୍ତା ଜଣେ ୨୩ବର୍ଷୀୟ ଯୁବକଙ୍କ ପଜିଟିଭ ଆସିବା ପରେ ସେ ରହିଥିବା ଅସ୍ଥାୟୀ ସ୍ୱାସ୍ଥ୍ୟ କେନ୍ଦ୍ର ରେ ମିଳାମିଶା କରିଥିବା ୩ଜଣଙ୍କ ରିପୋର୍ଟ ମଧ୍ୟ ପଜିଟିଭ ଆସିଥିବା ଓ ସମସ୍ତେ ତାମିଲନାଡୁ ଫେରନ୍ତା ବୋଲି ଜଣାପଡିଛି । ଅନ୍ୟ ପକ୍ଷରେ ଜିଲ୍ଲାପାଳ ମୋନିଷା ବାନାର୍ଜୀ କହିଛନ୍ତି ଯେ ଯେଉଁ ସବୁ ପଜିଟିଭ ଚିହ୍ନଟ ହୋଇଛନ୍ତି ସେମାନେ ସମସ୍ତେ ଏବେ ହୋମ କ୍ୱାରେଣ୍ଟାଇନ୍ ରେ ଥିବା ଯୋଗୁଁ ଗୋଷ୍ଠୀ ସଙ୍କ୍ରମଣର କୌଣସି ଭୟ ନାହିଁ । କିନ୍ତୁ କରୋନାକୁ ନେଇ ଜନସାଧାରଣ କୌଣସି ଭୟ କରିବାର ଆବଶ୍ୟକତା ନାହିଁ, ବରଂ ସତର୍କତା ଅବଲମ୍ବନ କରି ସୁରକ୍ଷିତ ରହିବାକୁ ସେ ଅନୁରୋଧ କରିଛନ୍ତି । ସେହିପରି ଜିଲ୍ଲା ରେ ଚିହ୍ନଟ ହୋଇଥିବା ଆକ୍ରାନ୍ତ ଙ୍କ ଉପରେ ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ସ୍ୱତନ୍ତ୍ର ଦୃଷ୍ଟି ଦେବା ସହ ଗୋଷ୍ଠୀ ସଙ୍କ୍ରମଣ ଯେପରି ନହୁଏ ସେଥିପ୍ରତି ସ୍ୱତନ୍ତ୍ର ଧ୍ୟାନ ଦିଆଯାଉଥିବା ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ, ଦିଲ୍ଲୀପ କୁମାର ପଣ୍ଡାଙ୍କ ସୂତ୍ରରୁ ପ୍ରକାଶ । ସୂଚନାଯୋଗ୍ୟ ଯେ, ଜିଲ୍ଲାରେ ଏ ପର୍ଯ୍ୟନ୍ତ ୮ଜଣ କରୋନା ଆକ୍ରାନ୍ତ ସୁସ୍ଥ ହୋଇ ହସ୍ପିଟାଲରୁ ଡିସଚାର୍ଜ ହୋଇଛନ୍ତି ।