ଫୁଲବାଣୀ:କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ପୋଲିସ ସେହି ଥାନା ଅଂଚଳର ଭୃଙ୍ଗଙ୍ଗେଯାଡି ନିକଟରୁ ଜିଲ୍ଲା ବାହାରକୁ ଚାଲାଣ ହେବାକୁ ଯୋଜନା ହେଉଥିବାବେଳେ କୌଣସି ସୂତ୍ରରୁ ଖବର ପାଇ ୨ କ୍ୱିଣ୍ଟାଲ ୮୦୦ ଗ୍ରାମ ଗଞ୍ଜେଇ ଜବତ କରିଛି । ଏହି ଗଞ୍ଜେଇକୁ ଚାଲାଣ କରିବାକୁ ଯୋଜନା କରୁଥିବା ୩ ଜଣଙ୍କୁ ଗିରଫ କରିଥିବା ନେଇ ଫିରିଙ୍ଗିଆ ଥାନା ଅଧିକାରୀ ପି.ଶ୍ୟାମ ସୁନ୍ଦର ରାଓଙ୍କ ସୂତ୍ରରୁ ଜଣାପଡିଛି । ସୂଚନା ଅନୁସାରେ ଫିରିଙ୍ଗିଆ ଥାନା ଅଂଚଳର ଭୃଙ୍ଗିଜୋଡି ପଞ୍ଚ଼ାୟତ ଅନ୍ତର୍ଗତ କୁଡୁରାହା ଅଂଚଳରେ କିଛି ଲୋକ କନ୍ଧମାଳ ଜିଲ୍ଲା ବାହାରକୁ ଗଞ୍ଜେଇ ଚାଲାଣ କରିବାକୁ ଯୋଜନା କରୁଥିବା ନେଇ ଖବର ପାଇବା ପରେ ଫିରିଙ୍ଗିଆ ଥାନା ପୋଲିସ ସେଠାରେ ସଦଳବଳେ ଚଢାଉ କରିଥିଲା । ସେଠାରେ ପୋଲିସକୁ ୨ କ୍ୱିଣ୍ଟାଲ ୮୦୦ ଗ୍ରାମ ଗଞ୍ଜେଇ ବାହାର ଜିଲ୍ଲାକୁ ଚାଲାଣ କରିବାକୁ ଗଛିତ ରଖାଯାଇଥିଲା । ପୋଲିସ ଏହି ଗଞ୍ଜେଇକୁ ଜବତ କରିବା ସହି ଏହି ଚାଲାଣ କାର୍ଯ୍ୟକରେ ନିୟୋଜିତ ଥିବା ଫିରିଙ୍ଗିଆ ଥାନା ଅଂଚଳର ମହୁଲିଙ୍ଗିଆ ଅଂଚଳର ନିଳାମ୍ବର କହଁର(୨୮),ଏବଂ କୁଡୁରାହା ଗ୍ରାମର କାଲାଙ୍ଗା ଦିଗାଲ(୬୨) ଓ ଥମାସ ଦିଗାଲ(୪୩)କୁ ଗିରଫ କରିଛି । ଏ ସଂକ୍ରନ୍ତରେ ପୋଲିସ ଏକ ମାମଲା ୨୮/୨୧ ରୁଜ୍ଜୁ କରିବା ସହିତ ଅଭିଯୁକ୍ତ ମାନଙ୍କୁ ଆଜି କୋର୍ଟଚାଲାଣ କରିଥିବା ପୋଲିସ ସୂତ୍ରରୁ ଜଣାପଡିଛି ।