ହରଭଙ୍ଗା: କରୋନା ପାଇଁ ଚଳିତ ବର୍ଷ ପାର୍ବଣ ଫିକା ପଡିଯାଇଥିବା ବେଳେ ଆଜି ହରଭଙ୍ଗା ବ୍ଲକର ବୁକେଶିଙ୍ଗା, ସୁରୁଣ୍ଡି, ତିଲେଶ୍ୱର, କଣ୍ଠିସର ଆଦି ଅଞ୍ଚଳରେ ମା ଲକ୍ଷ୍ମୀଙ୍କ ପୂଜା ଅନୁଷ୍ଠିତ ହୋଇଯାଇଛି । ଆଜି ମାର୍ଗଶୀର ମାସର ଗୁରୁବାର ଦିନ ସୁଦଶାବ୍ରତ ମା’ଲକ୍ଷ୍ମୀ ମାଣବସା ପୂଜା ଅନୁଷ୍ଠିତ ହୋଇଯାଇଛି । କୋଭିଡ ଆଇନ ଆଧାରରେ ପୂଜା କାର୍ଯ୍ୟ ଚାଲିଛି । ଅଞ୍ଚଳର ପୂଜା ମଣ୍ଡପ ନିକଟରେ ମା ଲକ୍ଷ୍ମୀଙ୍କ ପୂଜା ଅର୍ଚ୍ଚନା କରାଯାଇଛି । ପୂଜା ମଣ୍ଡପ ଗୁଡିକ ଖାଁ ଖାଁ । କେବଳ ପୂଜାର ରୀତିନୀତିକୁ ବଜାୟ ରଖିବା ପାଇଁ ମଣ୍ଡପ ଗୁଡିକରେ ମା’ଙ୍କର ପ୍ରତିମା ବିରାଜମାନ କରାଯାଇ ହାତଗଣତି ସଦସ୍ୟଙ୍କ ନେଇ ପୂଜା ଅନୁଷ୍ଠିତ ହୋଇଥିଲା । ମହିଳାମାନେ ବ୍ରତ ପୂଜା କରିଥିଲେ । ମଣ୍ଡପ ନିକଟରେ ନାମ, ସଂକୀର୍ତ୍ତନ ଅନୁଷ୍ଠିତ ହୋଇଥିଲା ।