ସୋନପୁର : କୋଭିଡ଼ କଟକଣାକୁ ପାଳନ କରି ସମଗ୍ର ସୁବର୍ଣ୍ଣପୁର ଜିଲ୍ଲାରେ ଶାରଦୀୟ ଦୁର୍ଗାପୂଜା ଆନୁଷ୍ଠିତ ହେଉଛି । ସହରର ବ୍ଲକଛକ, ଘୋଡ଼ାଘାଟପଡା, ଗଡ଼ଭିତର ଦୁର୍ଗା ମନ୍ଦିର, ଟିକିରିପଡା,ବଡ଼ବଜାର ଗୁଣ୍ଡିଚା ମନ୍ଦିର, ତରିଆପଡା,ଅନନ୍ତ ରାମ ନନ୍ଦ ଛକ ,ଦୁର୍ଗା ମଣ୍ଡପ ଓ ଥନାପତିପଡା ରେ ନବରାତ୍ର ପୂଜା ଅନୁଷ୍ଠିତ ହୋଇଛି । ସମସ୍ତ ପୂଜା ପେଣ୍ଡାଲ୍ ରେ କୋଭିଡ଼ କଟକଣାକୁ ପାଳନ କରି ମାନ୍ୟବର ହାଇକୋର୍ଟଙ୍କ ନିର୍ଦ୍ଦେଶକୁ ଅନୁପାଳନ ପୂର୍ବକ ଭକ୍ତଙ୍କ ଦର୍ଶନ ବିନା ଏଥରର ପୂଜା ଅନୁଷ୍ଠିତ ହେଉଛି । ସେହିପରି ଜିଲ୍ଲାର ବୀରମହାରାଜପୁର, ଉଲୁଣ୍ଡା, ବିନିକା ଡୁଙ୍ଗୁରିପାଲି,ସୋନପୁର ଓ ତରଭା ବ୍ଲକର ବିଭିନ୍ନ ପୂଜା ପେଣ୍ଡାଲ୍ ମାନଙ୍କରେ ମଧ୍ୟ କୋଭିଡ଼ ନିୟମକୁ ପାଳନ ପୁର୍ବକ ଦୁର୍ଗାପୂଜା ଶାନ୍ତିଶୃଙ୍ଖଳା ସହ ଚାଲିଛି ।