ବୌଦ୍ଧ – ହରଭଙ୍ଗା ବ୍ଲକ୍ ପୀତାମ୍ବରପୁର ଗ୍ରାମ ପଂଚାୟତର ଶରଧାପୁର୍ ଗ୍ରାମରୁ ବ୍ରାହ୍ମଣଗାଆଁକୁ ଯାଇଥିବା ରାସ୍ତାର ଉଭୟ ପାର୍ଶ୍ୱରେ ବୃକ୍ଷ ରୋପଣ କରି ପରିବେଶ ସଚେତନତାର ବାର୍ତ୍ତା ବାଣ୍ଟିଛନ୍ତି ସ୍ୱେଚ୍ଛାସେବୀ । ଗତକାଲି ପବିତ୍ର ରାକ୍ଷୀ ପୂର୍ଣ୍ଣିମା ଅବସରରେ ଶରଧାପୁର ଗ୍ରାମର ସ୍ୱେଚ୍ଛାସେବୀ ସଂସ୍ଥା ସୋସାଇଟି ଫର୍ ପ୍ରଗତି ଅଫ ରୁରାଲ ଇଣ୍ଡିଆ ତରଫରୁ ସମ୍ପାଦକ ପ୍ରବୀଣ ହୋତାଙ୍କ ଆବାହକତ୍ୱରେ ଉକ୍ତ ରାସ୍ତା ପାର୍ଶ୍ୱରେ ପ୍ରାୟ ପାଞ୍ଚ ଶହ ବୃକ୍ଷ ରୋପଣ କରାଯାଇଛି । ବୃକ୍ଷରୋପଣ କାର୍ଯ୍ୟକ୍ରମରେ ସ୍ୱେଚ୍ଛାସେବୀ ରାକେଶ ସେଠୀ, ବିଶ୍ୱଜିତ କର୍ଣ୍ଣ, ସୁନିଲ ସେଠୀ ଓ ଗ୍ରାମର ଛାତ୍ର ମାନେ ଅଂଶଗ୍ରହଣ କରିଥିଲେ ।