ଚଣ୍ଡିଖୋଲ:-ବଡଚଣା ବ୍ଳକ ସୁଙ୍ଗୁଡା ପଂଚୟାତର ପୂର୍ବତନ ସରପଂଚ ତଥା ଚଣ୍ଡିଖୋଲ ସାର୍ବଜନୀନନ ଦୁର୍ଗାପୂାଜା କମିଟିର ସକ୍ରିୟ ସଭ୍ୟ ଅନିରୁଦ୍ଧ ରାଉତ(୫୮)ଙ୍କର ଆଜି କଟକ ଅଶ୍ୱିନୀ ହସ୍ପଟିଲାରେ ପରଲୋକ ହୋଇଯାଇଛି । ଗତ କିଛିଦିନ ତ ଳେ ସ୍ୱର୍ଗତ ରାଉତ କର୍କଟ ରୋଗରେ ଆକ୍ରାନ୍ତ ହୋଇ ଚିକିତ୍ସାଧିନ ଥିଲେ । ସ୍ୱର୍ଗତ ରାଉତ ଜଣେ ନିଷ୍ଠାପର, ମେଳାପି, ପରୋପକାରୀ ସଫଳ ରାଜନେତା ଥିଲେ । ତାଙ୍କ ପରଲୋକ ଖବର ପ୍ରସାରିତ ହେଲା ପରେ ଚଣ୍ଡିଖୋଲ ଅଂଚଳରେ ଶୋକର ଛାୟା ଖେଳି ଯାଇଛି । ବିଜେପି ନେତା ତଥା ରାଜ୍ୟ ସଂପାଦକ ଅମର ନାୟକ ବିଜେଡି ରାଜ୍ୟ ସଂପାଦକ ଜନ୍ମେଜୟଲେଙ୍କା, ପୂର୍ବତନ ପଂଚାୟତ ସମିତି ଅଧ୍ୟକ୍ଷ କୈଳାସ ଚନ୍ଦ୍ର ରାଉତ, ଆଡଭୋକେଟ ଅକ୍ଷୟ ସ୍ୱାଇଁ, ପୂର୍ବତନ ସରପଂଚ ଅକ୍ଷୟ କୁମାର ସ୍ୱାଇଁ, ସାର୍ବଜନୀନ ଦୁର୍ଗାପୂଜା କମିଟି ସଭାପତି ଧିରେନ୍ଦ୍ର କୁମାର ରାଉତ, ସମିତି ସଭ୍ୟ ପ୍ରୀତମ ନାୟକ, ବିଜେପି ରାଜ୍ୟ ।କର୍ଯ୍ୟକାରିଣୀ ସଭ୍ୟ ରମାକାନ୍ତ ରାଉତ ପ୍ରମୁଖ ସଭ୍ୟ ଗଭୀର ଶୋକ ପ୍ରକାଶ କରିବା ସହ ଶୋକ ସନ୍ତପ ପରିବାରବର୍ଗଙ୍କୁ ସମବେଦନା ଜଣାଇଥିଲେ । ସୁଙ୍ଗୁଡା ଗାଁ ଶ୍ମଶାନରେ ସ୍ୱର୍ଗତ ରାଉତଙ୍କ ଶେଷକୃତ୍ୟ ସମ୍ପନ୍ନ କରାଯାଇଥିଲା । ବଡ ପୁଅ ମୁଖାଗ୍ନି ଦେଇଥିଲେ ।