ପାଟଣାଗଡ: ବଲାଙ୍ଗିର ଜିଲ୍ଲା ପାଟଣାଗଡ ବ୍ଲକ ଅନ୍ତର୍ଗତ ସାଲୋପାଲି ଚକାମାଲ ମଝିରେ ଡଙ୍ଗର ତଲର ଏକ ବୁଦାମୂଳରୁ ଏକ ଶିଶୁ କନ୍ୟାକୁ ଉଦ୍ଧାର କରାଯାଇଛି । ସାଲୋପାଲିର ଗାଁ ଲୋକମାନେ ନିକଟସ୍ଥ ଜଙ୍ଗଲକୁ କାଠ ପାଇଁ ଯାଇଥିବାବେଳେ ଶିଶୁଟିକୁ ଦେଖିଥିଲେ । ସେମାନେ ଗ୍ରାମର ଆଶା ପଙ୍କଜିନୀ ମେହେର(ପିଙ୍କି)କୁ ଖବର ଦେଇଥିଲେ । ସେ ସେଠାକୁ ଆସି ଶିଶୁ କନ୍ୟାକୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ଶିଶୁକନ୍ୟା ସୁସ୍ଥ ଥିବା କହିଛନ୍ତି । ଶିଶୁ କନ୍ୟାଟିକୁ ସାଲୋପାଲି ଗାଁର ଆଶା ପଙ୍କଜିନି ନିଜ ଝିଅ କରି ରଖିବାକୁ କହିଛନ୍ତି ।