ପାରଳାଖେମୁଣ୍ଡି : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଠାରେ ଥିବା ପାରଳା ପୌର ପରିଷଦ କାର୍ଯ୍ୟାଳୟଟି ଆଲୋକ ମାଳାରେ ସୁସଜ୍ଜିତ ହୋଇ ଝଲସି ଉଠୁଛି । ସତେ ଯେପରି ନବ ବଧୂ ସାଜିଲା ଭଳି ଦେଖା ଯାଉଛି । ସହରବାସୀ ସନ୍ଧ୍ୟା ହେଲେ କାର୍ଯ୍ୟାଳୟଟିକୁ ଦେଖିବା ପାଇଁ କିଛି ସମୟ ଅଟକି ଯାଇ ଆନନ୍ଦିତ ହେଉଛନ୍ତି । ଆସନ୍ତାକାଲି ସ୍ୱାୟତ୍ତ ଶାସନ ଦିବସ ଥିବାରୁ କାର୍ଯ୍ୟାଳୟଟିକୁ ସୁସଜ୍ଜିତ କରାଯାଇଛି ।
କାର୍ଯ୍ୟାଳୟର ନୂତନ ପାଚେରୀ ସମ୍ମୁଖ ଭାଗ ଦ୍ୱାର ଓ ନୂତନ କୋଠା ପରିସରରେ ସାଜସଜ୍ଜା ସାଙ୍ଗକୁ ଆଲୋକ ଶଯ୍ୟା ସୁସଜ୍ଜିତ କାର୍ଯ୍ୟାଳୟଟିର ସୁନ୍ଦରତାକୁ ଦ୍ୱିଗୁଣିତ କରିଛି । ଥରେ କାର୍ଯ୍ୟାଳୟଟିକୁ ସନ୍ଧ୍ୟା ସମୟରେ ଦେଖିଲେ ଆନନ୍ଦିତ ହୋଇଯାନ୍ତି ସହରବାସୀ ।