ଆବୁଧାବି: ଦିଲ୍ଲୀ କ୍ୟାପିଟାଲ୍ସକୁ ଦୁଇଟି ଧକ୍କା ଲାଗିଛି । ପଏଣ୍ଟ ଟେବୁଲ୍ରେ ଏହା ଦ୍ୱିତୀୟ ସ୍ଥାନକୁ ଖସିଥିବା ବେଳେ ଏହାର ଜଣେ ନିର୍ଭରଯୋଗ୍ୟ କ୍ରିକେଟର ଋିଷଭ ପନ୍ଥ ଆହତ ହୋଇଛନ୍ତି । ଆହତ କାରଣରୁ ତାଙ୍କୁ କେତୋଟି ମ୍ୟାଚ୍ ପାଇଁ ବାଦ୍ ଦିଆଯାଇଛି । ଅତିକମ୍ରେ ଗୋଟିଏ ସପ୍ତାହ ତାଙ୍କୁ ବିଶ୍ରାମରେ ରଖାଯିବ । ଦଳର ଅଧିନାୟକ ଶ୍ରେୟସ ଆୟାର ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ, ପନ୍ଥଙ୍କର କଚୋଟି ଓ ମାଂସପେଶୀରେ ଆଘାତ ଲାଗିଛି । ଶୁକ୍ରବାର ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ୍ ଚାଲିଥିବା ବେଳେ ସେ ନିଜେ ନିଜକୁ ଆହତ କରିଥିଲେ । ଅସାବଧାନତା ବଶତଃ ସେ ଆହତ ହୋଇଥିଲେ । ତେଣୁ ଅତିକମରେ ସାତ ଦିନ ପର୍ଯ୍ୟନ୍ତ ତାଙ୍କୁ ବିଶ୍ରାମରେ ରଖାଯିବାର ନିଷ୍ପତ୍ତି ନିଆଯାଇଛି । ତାଙ୍କ ସ୍ଥାନରେ ଅଷ୍ଟ୍ରେଲିଆର ଆଲେକ୍ସ କ୍ୟାରୀ ଖେଳିବେ । ରବିବାର ମ୍ୟାଚରେ ମୁମ୍ବାଇ ଇଣ୍ଡିଆନ୍ସଠାରୁ ପରାସ୍ତ ହୋଇ ଦିଲ୍ଲୀ କ୍ୟାପିଟାଲ୍ସ ଦ୍ୱିତୀୟ ସ୍ଥାନକୁ ଖସି ଆସିଥିବା ବେଳେ ମୁମ୍ବାଇ ଏବେ ଶୀର୍ଷରେ ରହିଛି । କୋଲକାତା ନାଇଟ୍ ରାଇଡ଼ର୍ସ ଉକ୍ତ ସ୍ଥାନରେ ଥିବା ବେଳେ ଚେନ୍ନାଇ ସୁପରକିଙ୍ଗିସ୍ ଓ କିଙ୍ଗ୍ସ ଏକାଦଶ ପଞ୍ଜାବ ପୁରା ତଳକୁ ଖସି ଯାଇଛନ୍ତି ।