ଦେବଗଡ଼ : ଦେବଗଡ଼ ପୌରାଂଚଳ ଅନ୍ତର୍ଗତ ରଜାମୁଣ୍ଡା ଜୟଶ୍ରୀ କ୍ରିକେଟ କ୍ଲବ ଆନୁକୁଲ୍ୟରେ ଫୋର ୱେ କ୍ରିକେଟ ଟୁର୍ଣ୍ଣାମେଂଟ ଉଦ୍ଘାଟିତ ହୋଇଯାଇଛି । ଉକ୍ତ ଟୁର୍ଣ୍ଣାମେଂଟରେ ଶିବଶକ୍ତି ଓ ବ୍ରଦର୍ସ ଏକାଦଶଙ୍କ ମଧ୍ୟରେ ମ୍ୟାଚ୍ ଅନୁଷ୍ଠିତ ହୋଇଥିଲା । ଶିବଶକ୍ତି ଦଳ ଟସ ପାଇ ପ୍ରଥମେ ବ୍ୟାଟିଂ କରି ୧୦ ଓଭରରେ ୭୩ ରନ୍ ସଂଗ୍ରହ କରିଥିଲା । ଏହାର ଜବାବରେ ବ୍ରଦର୍ସ ଏକାଦଶ ତିନି ଉଇକେଟରେ ଶିବଶକ୍ତି ଦଳକୁ ପରାସ୍ତ କରିଥିଲା । ହିତେଶ ନାୟକ ଓ ବିକାଶ ନାୟକ ଖେଳ ପରିଚାଳନା କରିଥିଲେ । ଏହି ଅବସରରେ ମୁଖ୍ୟ ଅତିଥିଭାବେ ବିଜେଡ଼ି ନଗର ସଭାପତି ଶୁକଦେବ ଭଞ୍ଜ, ବିଦ୍ୟାଧର ମହାପାତ୍ର ଯୋଗ ଦେଇ ଖେଳାଳୀମାନଙ୍କୁ ଉତ୍ସାହୀତ କରିବା ସଙ୍ଗେ ସଙ୍ଗେ ଆନୁଷ୍ଠାନୀକ ଭାବେ ଉଦ୍ଘାଟନ କରିଥିଲେ । କ୍ଲବର ସଭାପତି ବାପୁ ସାମଲ,ସମ୍ପାଦକ ସ୍ମୃତିରଞ୍ଜନ ନାଥ,ବିଶାଳ ପାଣୀଗ୍ରାହୀ,ସଚ୍ଚିଦାନନ୍ଦ ନନ୍ଦ ପ୍ରମୁଖ ସହଯୋଗ କରିଥିଲେ ।