ବୌଦ୍ଧ /ଜନ୍ହାପଙ୍କ,୮/୨ – ଆଜି ଭୋର ପ୍ରାୟ ଘ. 4. 32 ମିନିଟ୍ ସମୟରେ ଜାତୀୟ ରାଜପଥ ନମ୍ବର 57ର ଖୁଣ୍ଟବନ୍ଧ ନିକଟରେ ଗୋଟିଏ ଯାତ୍ରୀବାହୀ ବସ୍ ଭାରସାମ୍ୟ ହରାଇ ଓଲଟି ପଡିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଭୁବନେଶ୍ବରରୁ ଭବାନୀପାଟଣା ଯାଉଥିବା ଘରୋଇ ଯାତ୍ରୀବlହୀ ବସ୍ ମୁନ ଲାଇଟ୍ ଓଡ଼ି 02 ବିଜେ8943 ଖୁଣ୍ଟବନ୍ଧ କେନାଲ ଛକ ନିକଟରେ ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଛି l ଦୁର୍ଘଟଣାରେ କେନାଲ ପୋଲର ପାରାପିଟ୍ ଭାଙ୍ଗି ଯାଇଥିବା ଦେଖିବାକୁ ମିଳିଛି l ବସରେ ଥିବା ସମସ୍ତ ଯାତ୍ରୀ ସାମାନ୍ୟ ଆହତ ହୋଇଥିବା ବେଳେ ସେମାନଙ୍କୁ ବୌଦ୍ଧ ଥାନା ପି. ସି. ଆର. ପହଂଚି ବୌଦ୍ଧ ଡାକ୍ତରଖାନା କୁ ପ୍ରାଥମିକ ଚିକିତ୍ସା ପାଇଁ ଆଣିଥିଲା l ସେହିପରି ଯାତ୍ରୀ ମାନଙ୍କୁ ଅନ୍ୟ ବସରେ ସେମାନଙ୍କ ଗନ୍ତବ୍ୟ ସ୍ଥଳକୁ ପଠାଇବାର ବ୍ୟବସ୍ଥା ପୋଲିସ କରାଇଥିଲା l ଖୁଣ୍ଟବନ୍ଧ ସେବା ସମବାୟ ସମିତିର ଧାନ ମଣ୍ଡିକୁ ଯିବା ରାସ୍ତା ଉପରେ ବସ୍ ଓଲଟି ପଡିଥିବା ଯୋଗୁଁ ଚାଷୀମାନେ ଧାନ ମଣ୍ଡିକୁ ନେଇ ନ ପାରି ଧାନ ବୋଝେଇ ଗାଡି ଗୁଡିକ ରାସ୍ତାରେ ଅଟକି ରହିଥିବା ଦେଖିବାକୁ ମିଳିଥିଲା l