ଅଜଣା ଗାଡି ଧକ୍କାରେ ଗୁରୁତର ଆହତ ଯୁବକଙ୍କ ମୃତ୍ୟୁ

ବୌଦ୍ଧ,୫/୩- ଗତ ବୁଧବାର ଅପରାହ୍ନ. 3. 30 ମିନିଟ ସମୟରେ ବୁଟୁପାଲି – ବଘିଆପଡା ରାସ୍ତାର ନକୁଆନାଳୀ ଗ୍ରାମ ସୀତରା ସାହି ନିକଟରେ ଅଜଣା ଗାଡି ଧକ୍କାରେ ଗୁରୁତର ଆହତ ହୋଇଥିବା ବାଇକ ଆରୋହୀ ଯୁବକ ଜଗନ୍ନାଥ ପାଣିଗ୍ରାହୀ (32) ଗତକାଲି ମୃତ୍ୟୁବରଣ କରିଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ବାମଣ୍ଡା ଗ୍ରାମ ପଞ୍ଚାୟତ ପାନଖିମାଲ୍ ଗ୍ରାମର ଜଗନ୍ନାଥ ପାଣିଗ୍ରାହୀ କୌଣସି କାମରେ ବଲାସିଙ୍ଗା ଗ୍ରାମକୁ ଯାଇ ଅପରାନ୍ହ ପ୍ରାୟ ଘ. 3. 30 ମିନିଟ ସମୟରେ ବାଇକ ଯୋଗେ ଘରକୁ ଫେରୁଥିବା ବେଳେ ବୁଟୁପାଲି – ବଘିଆପଡା ରାସ୍ତାର ନକୁଆନାଳୀ ଗ୍ରାମ ସୀତରା ସାହି ପାଖରେ ଏକ ଅଜଣା ଚାରି ଚକିଆ ଗାଡି ଧକ୍କା ଦେଇ ଫେରାର ମାରିଥିଲା l ତାଙ୍କୁ ଗୁରୁତର ଆହତ ଅବସ୍ଥାରେ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିଲା | ଡାକ୍ତର ମାନଙ୍କ ପରାମର୍ଶ କ୍ରମେ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର ବେଳେ ଦହ୍ୟା ନିକଟରେ ମୃତ୍ୟୁବରଣ କରିଥିବା ଜଣା ପଡିଛି l ତାଙ୍କୁ ସୋନପୁର ଡାକ୍ତରଖାନାକୁ ନିଆଯାଇଥିଲା ଓ ଡାକ୍ତର ମୃତ ଘୋଷଣା କରିଥିଲେ | ଗତକାଲି ପୋଷ୍ଟମୋଟମ୍ କରାଯିବା ପରେ ଶବକୁ ପାନଖିମାଲ୍ ଆଣି ଶେଷ କୃତ୍ୟ ସମ୍ପନ୍ନ କରାଯାଇଥିଲା | ସେ ଜଣେ ଗରୀବ ବ୍ୟକ୍ତି ଓ ପରିବାରର ଏକମାତ୍ର ଉପାର୍ଜନ କ୍ଷମ ବ୍ୟକ୍ତି ହୋଇଥିବାରୁ ତାଙ୍କୁ ସରକାରୀ ସହାୟତା ଯୋଗାଇ ଦେବାକୁ ଜନସାଧାରଣରେ ଦାବୀ ହେଉଛି |