ଭୁବନେଶ୍ୱର : ରାଜ୍ୟରେ ଆଜି ଆଉ ତିନି ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ଜଣେ ଜଗତସିଂହପୁରରୁ ଚିହ୍ନଟ ହୋଇଥିବା ବେଳେ ବାଲେଶ୍ୱର ଜିଲ୍ଲାରୁ ୨ଜଣ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟର ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୨୦୯କୁ ବୃଦ୍ଧି ପାଇଛି । ସେହିପରି ଜଗତସିଂହପୁରରେ ଆକ୍ରାନ୍ତଙ୍କ ସଂଖ୍ୟା ୫କୁ ବୃଦ୍ଧି ପାଇଥିବା ବେଳେ ବାଲେଶ୍ୱର ଜିଲ୍ଲାରେ ଏହି ସଂଖ୍ୟାକୁ ୨୭କୁ ବୃଦ୍ଧି ପାଇଛି ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ କୁହାଯାଇଛି । ଆଜି ଚିହ୍ନଟ ହୋଇଥିବା ୩ଜଣଙ୍କଠାରେ କୌଣସି କରୋନା ଲକ୍ଷଣ ନଥିଲା । ସେମାନେ ସମସ୍ତେ କ୍ୱାରେଣ୍ଟାଇନ ଥିଲେ । ଜଗତସିଂହପୁରରୁ ଚିହ୍ନଟ ବ୍ୟକ୍ତିଙ୍କ ବୟସ ୭୦ ହୋଇଥିବା ବେଳେ ବାଲେଶ୍ୱର ୨ ପଜିଟିଭଙ୍କ ବୟସ ୨୬ ଓ ୨୯ ବର୍ଷ । ବାଲେଶ୍ୱର ଆକ୍ରାନ୍ତଙ୍କ ସୁରତ ଲିଙ୍କ ଥିବା ବେଳେ ଜଗତସିଂପୁର ଆକ୍ରାନ୍ତଙ୍କ ପଶ୍ଚିମବଙ୍ଗ ଲିଙ୍କ ରହିଛି ।