ସାମାଜିକ ସଂଗଠନ ସମର୍ପିତ ଫାଉଣ୍ଡେସନ ପକ୍ଷରୁ ବିଶ୍ୱ ରକ୍ତଦାତା ଦିବସ ଅବସରରେ କମିଶନରେଟ ପୋଲିସ ସହଭାଗିତାରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଥିଲା।ସରକାର ଙ୍କର କୋଭିଡ ନିୟମ କୁ ମାନି ରକ୍ତଦାତା ମାନେ ରକ୍ତଦାନ କରିଥିଲେ।ଖଦି ଓ ଗ୍ରାମଦ୍ୟୋଗ ବୋର୍ଡ ଓଡିଶା ର ଅଧ୍ୟକ୍ଷ ଶ୍ରୀ ସଂଗ୍ରାମ ପାଇକରାୟ, ମହିଳା ଓ ଶିଶୁ କଲ୍ୟାଣ ବିଭାଗ ର ଉପଦେଷ୍ଟା ଶ୍ରୀମତୀ ସୁଲତା ଦେଓ, କମିଶନରେଟ ପୋଲିସ ଏ ସି ପି ଶ୍ରୀଯୁକ୍ତ ଲଳିତେନ୍ଦୁ ମହାନ୍ତି ଙ୍କ ଦ୍ଵାରା ଶିବିର ଉଦଘାଟିତ ହୋଇଥିଲା।
ସମର୍ପିତ ଫାଉଣ୍ଡେସନ ପକ୍ଷରୁ ଆଜିକୁ ତିନିବର୍ଷ ଧରି ବିଭିନ୍ନ ଅନାଥାଶ୍ରମ, ବୃଦ୍ଧାଶ୍ରମ, ଶିଶୁ ଆଶ୍ରମ, କନ୍ୟାଶ୍ରମ ଓ ରାସ୍ତା କଡରେ ବସବାସ କରୁଥିବା ନିରାଶ୍ରୟ ବାସହୀନ ମାନଙ୍କ ପାଇଁ ସାପ୍ତାହିକ ଖାଦ୍ୟ ବଣ୍ଟନ ର ଆଜି ଥିଲା ୧୬୨ ତମ ସପ୍ତାହ।ଇତ୍ୟବସରରେ ଭରତପୁର ଓ ତମାଣ୍ଡୋ ଠାରେ ଥିବା ଦୁଇଟି ଦୃଷ୍ଟିହୀନ ଆଶ୍ରମ ରେ ରାସନ ସାମଗ୍ରୀ, ମାସ୍କ ସାନିଟାଇଜର ବଣ୍ଟନ କରାଯାଇଥିଲା ଓ ରସୁଲଗଡ଼ ସ୍ଥିତ ଏକ ଶିଶୁ ଆଶ୍ରମ ରେ ରାସନ ସାମଗ୍ରୀ, ମାସ୍କ ଓ ସାନିଟାଇଜର ସହ ଅବଢ଼ା ବଣ୍ଟନ କରାଯାଇଥିଲା।
ସମର୍ପିତ ଫାଉଣ୍ଡେସନ ର ସଦସ୍ୟ ସଦସ୍ୟା ଙ୍କ ଦ୍ଵାରା କାର୍ଯ୍ୟକ୍ରମ ଗୁଡିକ ପରିଚାଳିତ ହୋଇଥିଲା।