ବୌଦ୍ଧ : ଦୁଇଦିନ ତଳେ ବୌଦ୍ଧ ବ୍ଲକ ଅଂଚଳରେ ମଧ୍ୟରାତ୍ର ସମୟରେ ଆସିଥିଲା କାଳବୈଶାଖୀ । ଏହି କାଳବୈଶାଖୀର ପ୍ରଭାବରେ ଦହ୍ୟା ହାଟପଦା ନିକଟରେ ଧର କରି ରହିଆସୁଥିବା ଚମରା କଟୁଆଳ ଓ ବିମ୍ବାଧର କଟୁଆଳଙ୍କ ପରିବାରକୁ ବେସାହାରା କରିଦେଇଛି । ସେମାନେ ପିଲାଛୁଆଙ୍କୁ ନେଇ ମୁଣ୍ଡ ଗୁଞ୍ଜୁଥିବା ଅଜବେଷ୍ଟସ ଛପର ଛାତକୁ ଭାଙ୍ଗି ଚୁରମାର୍ କରିଦେଇଛି । ଜଣେ ଭାଇ ସୋନପୁର ଯାଇ ଜଣେ ଭାଇ ସୋନପୁର ଯାଇ ଜଣେ ସଂପର୍କୀୟଙ୍କ ଘରେ ଆଶ୍ରା ନେଇଥିବା ବେଳେ ଆଉ ଜଣେ ଗାଁରେ ଜଣକ ଘରେ ପିଲାଛୁଆଙ୍କୁ ନେଇ ମୁଣ୍ଡ ଗୁଞ୍ଜିଛନ୍ତି । ଝଡବାତ୍ୟା ପରେ ହୋଇଥିବା ବର୍ଷାରେ ଘରେ ଥିବା ଡାଲି ଚାଉଳ, ଲୁଗାପଟା ଓ ଆସବାବପତ୍ର ଭିଜି ନଷ୍ଟ ହୋଇଯାଇଛି ।
ସରକାରୀ ସହାୟତାକୁ ଅନାଇଁ ବସିଥିବା ବେଳେ କେହି ବି ସରକାରୀ ଅଧିକାରୀ କ୍ଷୟକ୍ଷତିର ଆକଳନ ପାଇଁ ପହଞ୍ଚିନାହାନ୍ତି । ମାତ୍ର କିଛି ମିଟର ଦୂରରେ ଦହ୍ୟା ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟ ଥିଲେ ମଧ୍ୟ ଜରିପାଲ ଖଣ୍ଡେ ମିଳିନାହିଁ । ବେସାହାରା ପରିବାରକୁ ରାଜସ୍ୱ ବିଭାଗ କିମ୍ବା ଗ୍ରାମ ପଞ୍ଚାୟତ ତିନିଦିନ ବିତିଯାଇଥିଲେ ମଧ୍ୟ କୌଣସି ସହାୟତା ପ୍ରଦାନ କରିନଥିବା ଅଭିଯୋଗ କରିଛନ୍ତି । ଉଭୟ ଭାଇଙ୍କ ବାସଗୃହ ଆଉ ମରାମତି ଯୋଗ୍ୟ ମଧ୍ୟ ନୁହେଁ ଏଣୁ ସେମାନଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ଖଣ୍ଡିଏ ଲେଖାଏଁ ଯୋଗାଇଦେବାକୁ ଦାବି କରିଛନ୍ତି ।